«قازگيدرومەت» رمك الداعى ءۇش كۇنگى اۋا رايى بولجامىن ۇسىندى, دەپ حابارلايدى Egemen.kz.
«2-3 قاراشادا اتموسفەرالىق فرونتتاردىڭ وتۋىمەن, قازاقستاننىڭ باسىم بولىگىندە قۇبىلمالى اۋا رايى كۇتىلەدى — جاۋىن-شاشىن, ەكپىندى جەل, تۇمان, كوكتايعاق, جاياۋ بۇرقاسىن. 3-4 قاراشادا وڭتۇستىك, وڭتۇستىك-شىعىس ايماقتاردا قاتتى جاۋىن-شاشىن بولجانادى. كەزەڭنىڭ سوڭىندا, سۋىق سولتۇستىك-باتىس انتيتسيكلوننىڭ ەنۋىمەن جاۋىن-شاشىننىڭ بىرتىندەپ توقتاۋى جانە اۋا تەمپەراتۋراسىنىڭ ەداۋىر تومەندەۋى كۇتىلەدى. سولتۇستىك-باتىستا تۇنگى تەمپەراتۋرا -5...-15 گرادۋس ايازعا دەيىن, سولتۇستىكتە, ورتالىقتا, شىعىستا -10...-20 گرادۋسقا دەيىن, وڭتۇستىكتە -3...-13 گرادۋس ايازعا دەيىن, وڭتۇستىك-شىعىستا 7-16 گرادۋس ايازعا دەيىن تومەندەيدى. تەك قازاقستاننىڭ باتىسىندا عانا جاۋىن-شاشىنسىز اۋا رايى بولجانادى», دەلىنگەن «قازگيدرومەت» رمك تاراتقان حابارلامادا.