قازاقستان رەسپۋبليكاسى سىرتقى ىستەر مينيسترلىگىنىڭ مالىمدەمەسى
كيەۆتە جانە ۋكراينانىڭ باسقا دا قالالارىندا نارازىلىق اكتسياسىنا قاتىسۋشىلار مەن قۇقىق قورعاۋ ورگاندارىنىڭ وكىلدەرى اراسىندا قازاعا اكەلگەن قاقتىعىستاردىڭ ۋشىعۋىن ۇلكەن الاڭداۋشىلىقپەن قابىلدادىق.
مىقتى جانە بەدەلدى, ەكونوميكالىق, وندىرىستىك جانە ادامي الەۋەتى زور مەملەكەتكە ساياسي قاراما-قايشىلىقتاردىڭ تيگىزىپ وتىرعان زاردابىن وكىنىشپەن اتاپ وتەمىز.
قازاقستان مەن ۋكراينانى ءداستۇرلى دوستىق جانە ستراتەگيالىق قارىم-قاتىناس بايلانىستىرادى, ولاردىڭ نەگىزىندە ءوزارا سەنىم مەن قۇرمەت جاتىر. ءبىز ۋكراينانى ماڭىزدى ارىپتەسىمىز رەتىندە قاراستىرامىز.
ءبىز زورلىقتىڭ كەز كەلگەن ءتۇرىن قاتاڭ سىنايمىز جانە ۋكراينانىڭ بارلىق ساياسي كۇشتەرىن ۇستامدىلىققا, قانتوگىستى توقتاتۋعا, مەملەكەتتىڭ كونستيتۋتسياسى مەن زاڭدارىنا سايكەس ءتارتىپ ورناتۋعا شاقىرامىز. سونىمەن قاتار, حالىقارالىق قوعامداستىقتى دا وسى ەلدەگى جاعدايدى تۇراقتاندىرۋعا بارىنشا ىقپال ەتۋگە شاقىرامىز.