قازاقستاندىق مەنەدجەر سايات ءابدىراحمانوۆ دامير يسماعۇلوۆ قاتىساتىن جەكپە-جەك وتپەيتىنىن مالىمدەدى, دەپ حابارلايدى Egemen.kz.
سايات ءابدىراحمانوۆ سپورتشىنىڭ UFC 267 الدىنداعى سالماق ولشەۋ راسىمىندە ساتسىزدىككە ۇشىراۋ سەبەبىن ءتۇسىندىردى.
«سالماق تاستاۋ كەزىندە دەنساۋلىعى ناشارلادى. جاتتىعۋدى جالعاستىرۋعا مۇمكىندىگى بولمادى. بەلگىلى سەبەپتەرمەن جەكپە-جەك توقتاتىلدى. ەڭ باستىسى دەنساۋلىق, قالعانى كەيىن. قازىر ءداميردىڭ جاعدايى بىرتىندەپ جاقسارىپ كەلەدى», دەدى ءابدىراحمانوۆ.
ايتا كەتەيىك, دامير يسماعۇلوۆ سالماق ولشەۋ كەزەڭىندە جەڭىل سالماق ساناتىنداعى مەجەدەن ءتورت كەلىگە جۋىق اسىپ ءتۇستى. بۇگىنگە دەيىن يسماعۇلوۆ ءتورت جەكپە-جەك وتكىزىپ, ءتورت رەت جەڭىسكە جەتكەن.