قازاقستاندا اۋىلدىق جەرلەردە مەديتسينا ساپاسىن جاقسارتۋ ءۇشىن ناۋقاستارعا جاساندى ينتەللەكت دياگنوز قويادى. بۇل تۋرالى قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتىپ بەردى, دەپ حابارلايدى Egemen.kz.
اتالعان وزگەرىستەر «تسيفرلاندىرۋ, عىلىم جانە يننوۆاتسيالار ەسەبىنەن تەحنولوگيالىق سەرپىلىس» ۇلتتىق جوباسى اياسىندا جۇزەگە اسادى.
«قازىرگى ۋاقىتتا اۋىل تۇرعىندارى ءۇشىن مەديتسينا مەن جالپى ءبىلىم بەرۋ جۇيەلەرىنىڭ ساپاسى تومەندەۋ بولىپ وتىر. ياعني ول ساپانى كوتەرۋ ءۇشىن ساپالى مۇعالىمدەر مەن بىلىكتى دارىگەرلەر قاجەت. سوندىقتان, مەديتسينالىق ماسەلەلەردى شەشۋ ءۇشىن دياگنوستيكانى تسيفرلىق فورماتتا جۇرگىزۋىمىز كەرەك. مىسالى بىرنەشە وڭىردە پيلوتتىق جوبالاردى جۇزەگە اسىردىق. جاساندى ينتەللەكت ارقىلى وكپە اۋرۋلارىن نەمەسە ايەلدەردىڭ اۋرۋلارىن انىقتاۋ ءۇشىن مەيىربيكە ناۋقاستى رەنتگەن اپپاراتىنا الىپ كەلسە بولعانى. سول اپپارات سۋرەتى بازاعا جۇكتەلىپ, نۇر-سۇلتاننان, الماتىدان نەمەسە باسقا قالادان بىلىكتى ماماندار قاراپ, دياگنوز قويا الادى. ەكىنشىدەن جاساندى ينتەللەكتىڭ ءوزى دە سول سۋرەتكە تالداۋ جاساپ, ءوز ۇسىنىمدارىن بەرە الادى. الداعى بەس جىلدا وسى تەحنولوگيالاردى ەنگىزۋدى جوسپارلاپ وتىرمىز», دەدى مينيستر ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
ءمينيستردىڭ ايتۋىنشا, مەكتەپتەردە بالالار كىتاپتاردى وزىمەن تاسىپ جۇرمەۋى ءۇشىن تسيفرلىق تەحنولوگيالار كوبىرەك ەنگىزىلىپ, كەرەكتى ماتەريالدار تسيفرلىق فورماتقا كوشىرىلىپ جاتىر.