اقتاۋ اكىمى نۇرداۋلەت قيلىباي بيۋدجەتتەن 15 ميلليون تەڭگە بەلگىلەنگەن «گۇل القابى» ينستاللياتسياسى ادەمى كورىنبەيدى دەگەن پىكىرمەن كەلىستى. مەردىگەرگە ماسەلەنى شەشۋ نەمەسە ينستاللياتسيانى الىپ تاستاۋ ۇسىنىلدى, دەپ حابارلايدى Egemen.kz.
بريفينگ بارىسىندا اقتاۋ قالاسىنىڭ باسشىسى نۇرداۋلەت قيلىباي ۇسىنىلعان ەسكيزدە «گۇل القابى» ينستاللياتسياسى جاقسىراق كورىنگەنىن ايتتى. ول قازىرگى كەزەڭدە مەردىگەر جۇمىسى ءالى قابىلدانباعىنىن جانە اقىسى تولەنبەگەنىن جەتكىزدى.
«بىزگە مۇلدەم باسقا ەسكيز كورسەتىلدى. وندا ءبارى ادەمى ەدى. دۇرىستاسىن, ەگەر جاسالماسا, بۇل - ولاردىڭ شىعىنى, ولاردىڭ پروبلەماسى, ءبىز تولەمەيمىز, بىزدە ەشقانداي مىندەتتەمە جوق. بۇل جۇمىس ءالى قابىلدانبادى, اقشاسى تولەنبەدى... تاڭەرتەڭ كوردىم, ادەمى كورىنبەيدى, سىزبەن كەلىسەمىن», دەدى اقتاۋ اكىمى.
اكىمنىڭ ايتۋىنشا, قالعان نىساندار كوپشىلىك كوڭىلىنەن شىعىپ, جاستار «جۇلدىزدى اسپان» ينستاللياتسياسىندا سۋرەتكە ءتۇسىپ, الەۋمەتتىك جەلىگە جاريالاپ جاتىر. ء«وزىڭىز ەلەستەتىپ كورىڭىزشى, ءبىر اتكەنشەككە ون بالا وتىردى, ارينە, سىندىرادى. نەمەسە بالالارعا اتكەنشەك قويادى, ال ونى ۇلكەندەر تەبەدى. بۇلاي ىستەيتىندەردى تۇسىنبەيمىن», دەيدى نۇرداۋلەت قيلىباي.