الداعى ءۇش كۇنگە ارنالعان اۋا رايى بولجامى

الداعى كۇندەرى سولتۇستىك تسيكلونمەن جانە اتموسفەرالىق فرونتتاردىڭ وتۋىمەن, قازاقستاننىڭ باسىم بولىگىندە تۇراقسىز اۋا رايى ساقتالادى — قار ارالاس جاڭبىر جاۋىپ, جەل كۇشەيەدى. ەلىمىزدىڭ سولتۇستىك جانە ورتالىق اۋداندارىندا بۇرقاسىن مەن كوكتايعاق, 28-29 قازاندا وڭتۇستىك پەن وڭتۇستىك-شىعىستىڭ تاۋلى اۋداندارىندا قاتتى جاۋىن-شاشىن كۇتىلەدى.

«رەسپۋبليكا بويىنشا تۇمان بولجانادى. باتىستا اۋا تەمپەراتۋراسىنىڭ اۋىتقۋى تۇندە 5-10-نان 3-8-گە دەيىن, كۇندىز نەگىزگى فون 5-15 جىلۋدى, سولتۇستىك-باتىستا, سولتۇستىكتە تۇندە 3-8-دەن 3-كە دەيىن, كۇندىز 3-10-نان 0-8-گە دەيىن, ورتالىقتا تۇندە 5-10-نان 3-8-گە دەيىن, كۇندىز 0-10-نان 2-13-كە دەيىن, شىعىستا تۇندە 0-7-دەن 0-5-كە دەيىن, كۇندىز 2-13-تەن 0-13-كە دەيىن 5-15 جىلۋدى قۇرايدى. وڭتۇستىكتە تۇندە 5 اياز-8 جىلۋ, كۇندىز 7-15 جىلۋ, ەلىمىزدىڭ وڭتۇستىك-شىعىسىندا تۇندە 2-8-دەن 0-5 جىلۋ, كۇندىز 10-18-دەن 7-15 جىلۋ ارالىعىندا اۋىتقيدى», دەلىنگەن «قازگيدرومەت» رمك حابارلاماسىندا.