تارازدا الاياقتىق جولمەن اقشا تاپقىسى كەلگەن تۇرعىن ۇستالدى, دەپ حابارلايدى Egemen.kz.
تاراز قالاسىنىڭ پوليتسياسىنا 21 جاستاعى تۇرعىن شاعىمدانعان. ول وتكەن جىلدىڭ قاراشا ايىندا ءبىر ەر ادام الماتىدان ءتيىمدى باعامەن كولىك ساتىپ الۋعا كومەكتەسەتىنىنە سەندىرىپ, 2,5 ملن تەڭگە كولەمىندەگى اقشاسىن يەمدەنگەنىن ايتقان.
ىزدەستىرۋ شارالارى بارىسىندا پوليتسيا قىزمەتكەرلەرى اقتوعان اۋىلىنىڭ 27 جاستاعى تۇرعىنىن ۇستادى. ول كىناسىن مويىنداعان. بۇگىندە دەرەك بويىنشا قر قك 190-بابى 3-بولىگى بويىنشا سوتقا دەيىنگى تەرگەۋ امالدارى باستالعان.
اتالعان قىلمىس ءۇشىن قر قىلمىستىق كودەكسىندە ءۇش جىلدان جەتى جىلعا دەيىنگى مەرزىمگە باس بوستاندىعىن شەكتەۋ نەمەسە مۇلكىن تاركىلەي وتىرىپ, سول مەرزىمگە باس بوستاندىعىنان ايىرۋ تۇرىندەگى جازا كوزدەلۋى مۇمكىن.