سينوپتيكتەر 26 قازانعا ارنالعان اۋا رايى بولجامىن ۇسىندى, دەپ حابارلايدى Egemen.kz.
سولتۇستىك قازاقستان وبلىسىنىڭ باسىم بولىگىندە جاۋىن-شاشىندى (جاڭبىر, قار) بولادى دەپ كۇتىلەدى. وبلىستىڭ سولتۇستىگىندە, باتىسىندا كوكتايعاق بولىپ, بۇرقاسىن سوعادى. جەل سولتۇستىك-باتىستان, باتىستان سوعادى. تۇندە وبلىستىڭ سولتۇستىگى, باتىسىنان سوققان جەل ەكپىنى 15-20 م/س قۇرايدى, كۇندىز جەلدىڭ ەكپىنى - 15-20 م/س, ەكپىنى 23-28 م/س بولادى. پەتروپاۆلدا جاۋىن-شاشىن (جاڭبىر, قار) تۇسەدى, كوكتايعاق بولىپ, قار بۇرقاسىنداتادى. سولتۇستىك-باتىستان, باتىستان سوققان جەل ەكپىنى - 15-20 م / س, كۇندىزگى جەلدىڭ ەكپىنى 23-28 م / س.
باتىس قازاقستان وبلىسىنىڭ سولتۇستىك-باتىسىندا تۇمان تۇسەدى دەپ كۇتىلەدى.
كۇندىز تۇركىستان وبلىسىنىڭ تاۋ اسۋلارىندا سينوپتيكتەر وڭتۇستىك-باتىستان 15-20 م / س جىلدامدىقپەن جەل سوعادى دەپ بولجايدى.
اقمولا وبلىسىنىڭ سولتۇستىگىندە تۇمان ءتۇسىپ, كوكتايعاق, بۇرقاسىن بولادى دەپ كۇتىلەدى. وڭتۇستىك-باتىستان سوققان جەل سولتۇستىك-باتىسقا ويىسادى, تۇندە وبلىستىڭ سولتۇستىگىندە سوققان جەل ەكپىنى 15-20 م / س, كۇندىز - 15-20 م / س, كەي جەرلەردە 23 م / س قۇرايدى. كۇندىز كوكشەتاۋدا وڭتۇستىك-باتىستان جەل سوعىپ, اقىرىنداپ سولتۇستىك-باتىسقا ويىسادى, ەكپىنى - 15-20 م / س.