ەلوردالىق كولىك جانە جول-كولىك ينفراقۇرىلىمىن دامىتۋ باسقارماسى نۇر-سۇلتان قالاسى پد اكىمشىلىك پوليتسيا باسقارماسىنىڭ كەلىسىمىمەن جول قوزعالىسى قاۋىپسىزدىگىن قامتاماسىز ەتۋ ماقساتىندا ءال-فارابي داڭعىلىنىڭ ءجۇرۋ بولىگىن كەڭەيتۋ جۇمىستارىن جالعاستىرۋدا, دەپ حابارلايدى Egemen.kz.
ءال-فارابي داڭعىلىنىڭ ءجۇرىس بولىگىن كەڭەيتۋ شەڭبەرىندە ر.قوشقارباەۆ داڭعىلى مەن ءال-فارابي داڭعىلىنىڭ قيىلىسىندا ورنالاسقان كولىك ايرىعىنان يماناق كوشەسىنە دەيىنگى ۋچاسكەدە (جەلەزنودوروجنىي تم) تەمىر جولداردى كەڭەيتۋ بويىنشا جۇمىستار جۇرگىزىلەتىن بولادى. وسىعان بايلانىستى وسى جىلدىڭ 25-28 قازان ارالىعىندا كورسەتىلگەن ۋچاسكەدە اۆتوكولىك قۇرالدارى ءۇشىن قوزعالىس تولىعىمەن جابىلادى.
«قالا جولدارىندا كەپتەلىس تۋدىرماۋ ءۇشىن ەلوردا تۇرعىندارى مەن قوناقتارى ءوز قوزعالىس باعىتتارىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم سۇرايمىز جانە جوندەۋ جۇمىستارىن جۇرگىزۋگە تۇسىنىستىكپەن قاراۋدى سۇرايمىز», دەلىنگەن كولىك باسقارماسىنىڭ حابارلاماسىندا.