دۇنيەجۇزىلىك دەنساۋلىق ساقتاۋ ۇيىمىنىڭ ەسەبى بويىنشا, كوروناۆيرۋستان الەمدە 80 مىڭنان 180 مىڭعا دەيىن مەديتسينا قىزمەتكەرى كوز جۇمعان, دەپ حابارلايدى Egemen.kz.
سينگاپۋر دەنساۋلىق ساقتاۋ جۇيەسىنە جۇكتەمەنى ازايتۋ ءۇشىن COVID-19-عا بايلانىستى شەكتەۋلەردى ءبىر ايعا ۇزارتادى. قىركۇيەك ايىنىڭ سوڭىندا سينگاپۋردە كافەلەر مەن مەيرامحانالاردا ەكى ادامنان استام كومپانيالاردىڭ جينالۋىنا تىيىم سالىندى جانە كوپتەگەن كاسىپورىنداردىڭ قىزمەتكەرلەرى ءۇشىن قاشىقتان جۇمىس جاساۋ رەجيمى ەنگىزىلەدى.
اۆستراليانىڭ ەڭ ءىرى ساۋدا جەلىلەرى قىزمەتكەرلەر ءۇشىن COVID-19 ۆاكتسيناتسياسىن مىندەتتى ەتتى. Sydney Morning Herald گازەتىنىڭ حابارلاۋىنشا, 250 مىڭنان استام قىزمەتكەر COVID-19-عا قارسى تولىق ۆاكتسيناتسيادان ءوتۋى كەرەك.
ددسۇ كوروناۆيرۋستان الەمدە 80 مىڭنان 180 مىڭعا دەيىن مەديتسينا قىزمەتكەرى كوز جۇمدى دەپ ەسەپتەيدى. ۇيىمنىڭ مالىمدەمەسىندە مەديتسينالىق قىزمەتكەرلەر اراسىندا «جالپى ۆاكتسيناتسيانىڭ تومەن دەڭگەيى», سونىمەن قاتار تابىسى تومەن جانە جوعارى ەلدەردە ۆاكتسيناتسياعا قول جەتىمدىلىكتىڭ بولماۋىنا قاتىستى الاڭداۋشىلىق بار.