قارسىلاستار انىقتالدى

2022 جىلعى ەڭ ۇلكەن جارىس­تىڭ ءبىرى سانالاتىن فۋتزالدان ەۋ­روپا چەمپيوناتىندا بيىل ال­عاش رەت 16 قۇراما (بۇعان دەيىن 12 كوماندا سىنعا تۇسكەن) باق سى­نا­ماق. 19 قاڭتار مەن 6 اقپان ارا­لىعىندا امستەردام جانە گرو­نينگەن قالالارىندا 32 ماتچ وينالادى. ءار توپ ءتورت كوماندادان تۇرادى.

العاش رەت كارى قۇرلىق بىرىن­شى­لىگىنىڭ فينالدىق كەزەڭىن قابىل­دايتىن نيدەرلاند قۇراماسى ەۋرو-2022 فينالدىق ويىندارىنا تىكەلەي جولداما الدى. قالعان ەلدەردىڭ ىشىندە پورتۋگاليا (ەۋرو-2018 جەڭىمپازى), ازەربايجان, بوس­نيا جانە گەرتسەگوۆينا, حور­ۆاتيا, فينليانديا, گرۋزيا, يتا­ليا, قازاقستان, پولشا, رەسەي, سلو­ۆاكيا, سلوۆەنيا, يسپانيا جانە ۋك­راينا بار. سەربيا مەن بە­لا­رۋس قۇرامالارى قۇرلىق دودا­سىنىڭ سوڭعى جولداماسىن 14 جانە 17 قا­راشا كۇندەرى ساراپقا سالادى.

قۇرامامىز توپتىق كەزەڭدەگى العاشقى ەكى ماتچىن گرونينگەن قالاسىندا, ال سوڭعى ويىنىن امس­تەردامدا وتكىزەدى. ويىندار كەستە­سىنە سايكەس قازاقستان قۇراماسى 20 قاڭتاردا سلوۆەنيا, 24 قاڭتاردا فينليانديا جانە 28 قاڭتاردا يتا­ليا قۇرامالارىمەن كەزدەسەدى.

جەرەبە تارتۋ راسىمىنەن كە­يىن فۋتزالدان قازاقستان قۇرا­ما­­­سى­نىڭ باس باپكەرى پاۋلو ري­كار­­دو كاكا قازاقستان فۋت­بول فە­دە­راتسياسىنىڭ ءباسپاسوز قىز­مەتىنە سۇحبات بەرىپ, توپتاعى قار­سى­لاستار تۋرالى ءوز پىكىرىن ورتاعا سالدى.

– مەنىڭ ويىمشا, بارلىق توپ­قا مىقتى قارسىلاستار جينالدى. ەشبىرىن بولە-جارىپ, مىنا قۇراما ءالسىز نەمەسە مىناۋ مىقتى دەپ ايتا المايمىن. ويتكەنى چەم­پيو­ناتقا وسال قۇرامالار قاتىس­پايدى. بارلىق 16 كوماندا جاق­سى دەڭگەيدە. ءبىرىنشى ماتچتى سلو­ۆەنيامەن وتكىزەمىز. بۇل قۇرا­مامەن الەم چەمپيوناتىنىڭ ىرىك­تەۋ كەزەڭىندە وينادىق. ولار تەح­­نيكا جاعىنان وتە مىقتى. بۇل كەز­­­دەسۋدە بىزگە 2018 جىلعى ەۋ­رو­پا چەمپيوناتىنىڭ سوڭعى مات­چىن­­­دا «قىزىل قاعاز» الىپ, الاڭ­نان قۋىل­عان دۋگلاس كومەكتەسە ال­مايدى.

فينليانديا قۇراماسى تۋرالى ايتاتىن بولسام, ولاردىڭ قۇرا­مىندا شەبەرلىك دەڭگەيى جوعارى ويىنشىلار جوق. دەگەنمەن وتە جيناقى كوماندا. قازىر يتاليا قۇراماسىندا بۋىن الماسۋ كەزەڭى ءجۇرىپ جاتىر. بۇرىن يتاليا ساپىندا 10-عا جۋىق برازيليالىق ويناعان بولسا, قازىر ولاردىڭ قۇرامىندا جەرگىلىكتى ويىنشىلار كوپ. چەمپيوناتقا دايىندىقتى 3 قاڭتاردا باستايمىز. سونداي-اق 13 جانە 15 قاڭتاردا ەكى جولداستىق كەزدەسۋ وتكىزۋدى جوسپارلاپ وتىرمىز. بىزدە قارسىلاستارمەن الدىن الا كەلىسىم بار.

– جارتى جىل ىشىندە ەكى بىردەي ءىرى تۋرنيردە باق سىناۋ, ارينە, وڭاي ەمەس. وتە تىعىز كۇنتىزبەمەن جۇمىس ىستەپ جاتىرمىز. الايدا ءبىز بۇل فاكتوردى ءوز پايدامىزعا جاراتۋىمىز كەرەك. ماقسات – قيىندىق تۋرالى ويلانباي, پاركەتكە شىعىپ, ءار ويىندا جەڭىسكە جەتۋ, – دەدى كاكا.

2018 جىلى سلوۆەنيانىڭ ليۋبليانا قالاسىندا وتكەن ەۋرو­پا چەمپيوناتىندا قازاقستان قۇ­را­ماسى ءۇشىنشى ورىن ءۇشىن وتكەن با­سەكەدە رەسەي فۋتزالشىلارىنان جەڭىلىپ, ءتورتىنشى ورىنعا تابان تىرەگەن ەدى.