تەكەلىنىڭ گرانيتى: تاس تا تابىس كوزى

ياعني وڭىردەگى قىسقا مەرزىمدى ەكونوميكالىق ينديكاتور 110,4 پايىزعا جەتىپ وتىر. ال ايماق ەكونوميكاسىنا 370 ملرد تەڭگە ينۆەستيتسيا تارتىلىپ, ءوسىم 2,3 پايىزدى قۇرادى. سونىڭ ىشىندە وڭدەۋ سەكتورىنا قۇيىلعان قارجى كولەمى 40,5 ملرد تەڭگە شاماسىندا بولىپ, كورسەتكىش 124,5 پايىزدان اسقان. مۇنان بولەك وبلىس ەكونوميكاسىنىڭ قوزعاۋشى كۇشى بولىپ سانالاتىن ونەركاسىپ ءوسىمىنىڭ كولەمى 13,8 پايىزعا, اۋىل شارۋاشىلىعىنداعى ءوسىم 1,1 پايىزعا, ساۋدا-ساتتىقتان تۇسكەن تابىس 20 پايىزعا جانە قۇرىلىس سالاسىنداعى ءوسىم 16,6 پايىزعا ارتقان كورىنەدى.

ارينە, ءوڭىر ەكونوميكاسىنىڭ بۇلايشا قارقىندى دامۋىنا ايماقتاعى ءىرىلى-ۇساقتى ءوندىرىستىڭ ىركىلىسسىز جۇمىس ىستەۋى مۇمكىن­دىك بەرىپ وتىرعانى انىق. ماسەلەن, تەكەلى قالا­سىنىڭ وزىندە بۇل باعىتتا ەلەۋلى ءىس اتقا­رىلۋدا. قازىر شاعىن قالا 1 411 كاسىپورىن جۇمىس ىستەپ, ونەركاسىپ ورىندارى مەن شا­رۋا قوجالىقتارىندا شاعىن جانە ورتا بيز­نەستە 4 مىڭداي ادام ەڭبەك ەتەدى ەكەن. سول ىرگەلى كاسىپورىندار قاتارىندا «تەكەلى گرانيت» كومپانياسى دا بار. بۇل نىساننىڭ وتاندىق نارىقتا جۇرگەنىنە 15 جىلدان استى. تابيعي تاستاردى وڭدەۋگە, گرانيت پەن ءمارماردان بۇيىمدار جاساۋعا ماماندانعان كاسىپورىن قۇرىلىس ماتەريالدارىن ءوندىرۋ ىسىنە دە ەلەۋلى ۇلەس قوسىپ كەلەدى. «تەكەلى گرانيت» جشس زاماناۋي تەحنولوگيامەن ەكولوگيالىق تالاپتارعا ساي جۇمىس ىستەيدى. مۇندا قولدانىلاتىن يتاليالىق قۇرال-جاب­دىقتار مەن ماتەريالدار ءونىم ساپاسىنىڭ حالىقارالىق ستاندارتتارعا ساي بولۋىنا مۇمكىندىك بەرەدى.

بۇگىندە ونەركاسىپ الاڭىندا ءونىمنىڭ 35 ءتۇرى شىعارىلادى. اتاپ ايتقاندا, ءمودۋلدى جانە جىلتىراتىلعان پليتكالار, برۋسچاتكانىڭ بىرنەشە ءتۇرى, جول جيەكتاستارى, باسپالداقتار, ءتۇرلى ساۋلەتتىك پىشىندەر, سونىڭ ىشىندە سۋبۇرقاقتار جانە باسقا دا كوپتەگەن بۇيىم بار. زاۋىتتىڭ قۋاتى 24 مىڭ شارشى مەتر گرانيت بۇيىمدارىن, 20 مىڭ شارشى مەتر جول جيەكتاسىن, 40 مىڭ شارشى مەتر جيەكتاس وندىرۋگە قاۋقارلى. ال «تەكەلى گرانيت» وندىرەتىن ونىمدەر ايماقتا عانا ەمەس, تۇتاس ەلىمىزدە ۇلكەن سۇرانىسقا يە.

– ءبىز اي سايىن 2500 شارشى مودۋلدىك پليتا شىعارا الامىز. ءتۇرلى تۇستەگى جانە ءتۇرلى كولەمدەگى ونىمدەردى وندىرۋگە قاجەتتى شيكىزاتتى قاپال-اراسان, كۇرتى, قورداي, جەلتاۋ ايماقتارىنان جەتكىزەمىز. ءبىز ءۇشىن ەڭ ماڭىزدىسى – ونىمدەرىمىزدىڭ ساپاسى. سون­دىقتان باستاپقى ماتەريالعا ەرەكشە ءمان بەرەمىز. ءبىزدىڭ گرانيتتىك جىلتىراتىلعان بۇيىمدارىمىز وبلىس ورتالىعىنداعى ورتا­­­لىق الاڭدى اباتتاندىرۋ كەزىندە, الما­تى قالاسىنىڭ 2 جول ايىرىعىنىڭ قۇ­­رى­­­­­لىسىندا, استاناداعى سۋلى-جاسىل بۋل­­­­ۆاردى اباتتاندىرۋ بارىسىندا قول­دا­­نىل­دى. ءوندىرىس پروتسەسىندە ءبىرىنشى كەزەك­­تە تۇتى­نۋشىلاردىڭ سۇرانىسىن قاناعاتتان­دىرا­مىز, دايىندالاتىن ءونىمنىڭ ءتۇسى مەن فور­ماسى سوعان بايلا­نىستى. زاماناۋي جانە ەكو­لو­گيالىق تالاپتارعا سايكەس بولۋى ءبىزدىڭ ونىم­دەرىمىزدىڭ باسەكەگە قابىلەتتىلىگىن ارتتىرىپ, ودان ءارى دامۋىمىزعا مۇمكىندىك بەرەدى, – دەيدى «تەكەلى گرانيت» جشس ۆلاديمير سترەلتسوۆ.

بۇگىندە كاسىپورىندا 40 ادام ەڭبەك ەتەدى. ولاردىڭ ورتاشا ايلىق جالاقىسى 150 مىڭ تەڭگە شاماسىندا. مۇنداعى قىزمەتكەرلەر كوروناۆيرۋس ينفەكتسياسىنا قارسى ەكپەنى العاشقىلاردىڭ ءبىرى بولىپ سالعىزعان. بۇل ءوز قاۋىپسىزدىگىمىز ءۇشىن قاجەت دەيدى ولار. الداعى جوسپارلارى تۋرالى ايتا كەلە كاسىپورىن باسشىسى:

– جاڭا تەحنولوگيالاردىڭ كومەگىمەن ءوندىرىس كولەمىن ارتتىرىپ, نارىقتاعى ورنىمىزدى نىقتاي تۇسسەك دەيمىز. قالانىڭ وندىرىستىك سەكتورىن دامىتۋ ءۇشىن جاس مامانداردى تارتۋعا نيەتتىمىز. مەملەكەت جاساعان جاعداي ارقىلى كاسىپكەرلەر ءوز ءىسىن اشىپ, قالاعان سالادا بيزنەسىن جۇرگىزۋگە مۇمكىندىگى بار. بۇل تابىسىڭدى ارتتىرۋعا عانا ەمەس, كاسىبي جاعىنان وسۋگە, ءوز-ءوزىڭدى جەتىلدىرۋگە ىقپال ەتەدى. بۇل ەل تاۋەلسىزدىگىنىڭ ەڭ ۇلكەن جەتىستىكتەرىنىڭ ءبىرى دەپ ەسەپتەيمىن, – دەيدى ۆ.سترەلتسوۆ.