2021 جىلعى قاڭتار-شىلدە ايلارىندا قازاقستان 3 650,2 مىڭ كولەمىندە جيھاز ونىمدەرىن ەكسپورتتادى, بۇل 2020 جىلدىڭ سايكەس كەزەڭىمەن سالىستىرعاندا 2 ەسە كوپ. بۇل تۋرالى «QazIndustry» قازاقستاندىق يندۋستريا جانە ەكسپورت ورتالىعى» اق ءباسپاسوز قىزمەتى حابارلادى.
سالا ەكسپورتىنىڭ تاۋارلىق قۇرىلىمىندا نەگىزگى كولەم پلاستماسسادان جاسالعان جيھازعا (ەكسپورتتىڭ جالپى كولەمىنىڭ 35,9%), وزگە دە مەتالل جيھازعا (12,0%) جانە وزگە دە اعاش جيھازعا (10,4%) كەلەدى.
جيھاز ونىمدەرىن وتكىزۋدىڭ نەگىزگى نارىقتارى – وزبەكستان (1 193 مىڭ دوللار), رەسەي (862,2 مىڭ دوللار), قىرعىزستان (706,4 مىڭ دوللار), ارمەنيا (271,2 مىڭ دوللار) جانە تاجىكستان (173,2 مىڭ دوللار).
ايتا كەتۋ كەرەك, بيىل وزبەكستانعا جيھاز ونىمدەرىن ەكسپورتتاۋ كولەمى 9 ەسەگە ارتتى, بۇل ءبىرىنشى كەزەكتە ەل ەكونوميكاسىنىڭ قارقىندى وسۋىنە جانە كوروناۆيرۋس پاندەمياسىمەن كۇرەس بويىنشا شەكتەۋ شارالارىنىڭ تومەندەۋىنە بايلانىستى.