جەلىدە تاراعان بەينەجازبادان ءبىر توپ ادامنىڭ مەملەكەتتىك تۋدى ورتەپ, ەلتاڭبانى بالعامەن سىندىرىپ جاتقانىن كورۋگە بولادى, دەپ حابارلايدى Egemen.kz.
مەملەكەتتىك رامىزدەرگە قاتىستى ورەسكەل ارەكەت پاۆلودار قالاسىنداعى ءماشھۇر ءجۇسىپ ورتا مەكتەبىندە تىركەلگەن. قالالىق ءبىلىم بەرۋ بولىمى اتالعان ۆيدەو 5 اقپان كۇنى تۇسىرىلگەنىن مالىمدەدى. وقۋ ۇيىمىنىڭ قىزمەتكەرلەرى مادەنيەت جانە سپورت ءمينيسترىنىڭ 2023 جىلعى 8 ماۋسىمداعى №137 بۇيرىعىنا سايكەس ارەكەت ەتكەن.
مەملەكەتتىك تۋدى قورلاعان 4 ادامعا سوت شەشىمى شىقتى
«مەكتەپ كوميسسياسى ۇلتتىق ستاندارتتار مەن تەحنيكالىق تالاپتارعا سايكەس كەلمەيتىن زاتتاردى جويۋ بويىنشا جۇمىس جۇرگىزدى. بۇل پروتسەدۋرا ءتيىستى اكتىمەن رەسىمدەلگەن. اتالعان ءىس -ارەكەتتەردى بەينەتىركەۋ تەك قىزمەتتىك ماقساتتا جۇرگىزىلدى جانە تاراتۋعا ارنالماعان», دەپ حابارلادى پاۆلودار قالاسىنىڭ ءبىلىم بولىمىنەن.
الگى بەينەجازبانىڭ الەۋمەتتىك جەلىدە قالايشا تاراپ كەتكەنى بەلگىسىز. ءىس-شارالاردى ۇيىمداستىرۋ جانە وتكىزۋ تارتىبىنە ءتيىستى باقىلاۋدىڭ بولماۋىنا بايلانىستى مەكتەپ باسشىسىنا قاتاڭ سوگىس تۇرىندە تارتىپتىك جازا قولدانىلعان.
مەملەكەتتىك تۋدى مازاق ەتكەندەر جاۋاپقا تارتىلادى
پاۆلودار وبلىسى