قىستايتىن جاققا ۇشۋعا كۇشى جەتپەگەن قىزعىلت بىرقازان بالاپانىن پويىزبەن الماتىداعى حايۋاناتتار باعىنا اكەلدى, دەپ حابارلايدى Egemen.kz.
بىرقازاندى شىعىس قازاقستان وبلىسى, گلۋبوكوۆسكي اۋدانى, بەلوۋسوۆكا اۋىلىنىڭ تۇرعىندارى تاپقان. ولار پوليتسيا شاقىرعان, ءتارتىپ ساقشىلارى قۇستى قاڭعىباس يتتەردەن قورعاعان.
كەيىن شىعىس قازاقستان وبلىسىنىڭ مەيىرىمدى تۇرعىندارى قۇستى الماتىعا اكەلۋگە شەشىم شىعارعان.
الماتى حايۋاناتتار باعىندا بالاپان جۇمىرتقادان كەش شىققانىن, قىستايتىن جەرگە ۇشۋعا كۇشى جەتپەگەنىن حابارلادى.
«بالاپان ءبىر اي ۆەتەريناريا بولىمىندە وزگە قۇستاردان وقشاۋلانادى. ونى باقىلاپ, دەنساۋلىعىن تەكسەرىپ, قۇستار اۋرۋلارىنا قارسى ەكپە سالىپ, ءتۇرلى زيانكەستەردى جويادى. سودان كەيىن فيمكا, حاليفا سياقتى تۇقىمداستارىنا قوسىلىپ, بىرقازاندار ۇيىنە اۋىستىرىلادى», دەدى حايۋاناتتار باعىندا.