قازان ايىندا قازاقستاندا ديامەترى ۇلكەن بولات قۇبىرلار شىعاراتىن جالعىز زاۋىت – «ArcelorMittal Products Aktau» اق ءوزىنىڭ 15 جىلدىعىن اتاپ وتەدى. وسى ۋاقىت ىشىندە كاسىپورىن 170 مىڭ توننادان استام قۇبىر ونىمدەرىن شىعارىپ, ساتتى. 920 شاقىرىمنان استام قۇبىر كورروزياعا قارسى جابىنمەن وڭدەلدى.
زاۋىت تۇڭعىش پرەزيدەنتتىڭ تاپسىرماسى بويىنشا اقتاۋ قالاسىندا قۇرىلدى. 2006 جىلدىڭ ساۋىرىندە ەلباسى كاسىپورىننىڭ ىرگەتاسىن قالادى, سول جىلى قازان ايىندا قۇبىر ءوندىرىسى باستالدى. بۇگىندە زاۋىت جىلىنا 60 مىڭ قۇبىر ءونىمىن شىعاراتىن جانە قۇبىرلاردى 1,4 ملن شارشى مەتر قورعانىس جابىنىمەن وڭدەيدى.
كاسىپورىندا قۇبىر-ەلەكترمەن دانەكەرلەۋ تسەحى (قەدتس), قورعانىس جابىندار تسەحى ء(جوو) جانە وندىرىستىك سىناق زەرتحاناسى ء(واز) جۇمىس ىستەيدى.
زاۋىت ديامەترى 458 مم-دەن 1 420 مم-گە دەيىن, قابىرعاسىنىڭ قالىڭدىعى 6 مم-دەن 19 مم-گە دەيىن بولات سپيرال قۇبىرلار شىعارادى; سىرتقى ءۇش قاباتتى پوليەتيلەن جابىنىن, سىرتقى 1 جانە 2 ەكى قاباتتى ەپوكسيدتى جابىندى, ىشكى ەپوكسيدتى جابىندى قولدانادى, سونىمەن قاتار مەتاللوگرافيانى, دانەكەرلەنگەن قوسىلىستىڭ مەحانيكالىق سىناقتارىن, قۇبىردىڭ نەگىزگى كورپۋسىن جانە قورعانىس جابىندارىن, مەتالدى حيميالىق تالداۋدى جۇرگىزەدى.
كاسىپورىن تىك تىگىستى قۇبىرلار شىعاراتىن تسەحتى جانە پپۋ وقشاۋلاۋ تسەحىن ىسكە قوسۋدى جوسپارلاپ وتىر. جوبالاردىڭ جالپى قۇنى شامامەن 69 ملن دوللاردى قۇرايدى.
اناند دونگرە, «ArcelorMittal Products Aktau» اق باس ديرەكتورى: «وسىدان 15 جىل بۇرىن ءبىزدىڭ دانەكەرلەۋ تسەحىمىزدا العاشقى قۇبىر شىعارىلدى. سودان بەرى 170 مىڭ توننادان استام قۇبىر ءوندىرىلدى. ءبىزدىڭ زاۋىتتا شىعارىلعان قۇبىرلار بۇكىل قازاقستان بويىنشا جىلۋ تراسسالارىندا, سۋ, مۇناي جانە گاز قۇبىرلارىندا پايدالانىلادى جانە قازاقستاندىقتاردىڭ ءومىرىن جاقسارتۋدا.
مەن كومپانيا ارقىلى قالىپتاسقان كوپتەگەن دوستىق قاتىناستار مەن بايلانىستارعا ريزامىن. ويتكەنى بۇل كومپانيا ۇجىمى مەن ءۇشىن ەكىنشى وتباسى سياقتى. سونداي-اق ءار قىزمەتكەرگە, ونىڭ قانداي لاۋازىم اتقاراتىنىنا قاراماستان, ريزامىن. بۇل ىستە اركىمنىڭ ۇلەسى ماڭىزدى. قىزمەتكەرلەردىڭ ۇقىپتىلىق, سەنىم, كەمەلدىك, بىرلىك سياقتى قاسيەتتەرى كومپانيامىزدىڭ قىزمەتى مەن دامۋى ءۇشىن قاجەت. بۇل جول وڭاي بولعان جوق, بىراق وسى جىلدار ىشىندە ءبىزدىڭ كومپانيا ءبىرشاما كەڭەيدى. كوتەرىلگەن دە, قۇلدىراعان دا كەزدەرىمىز بولدى, الايدا ءبىز ەڭسەمىزدى تۇسىرگەن جوقپىز. بولاشاقتا دا وسە بەرەمىز دەپ ۇمىتتەنەمىن, ويتكەنى بۇل تەك باستاماسى عانا. ءبىز قىزمەتكەرلەرىمىزدىڭ ساپالى ەڭبەگىن باعالايمىز جانە مەملەكەت تاراپىنان قولايلى جاعداي جاسالعانىنا ريزامىز. الداعى جىلدار بۇدان دا جەمىستى بولۋى جانە كومپانيانىڭ جەتىستىگى ءۇشىن ەڭبەك ەتەيىك!».