ساۋديامەن ساۋدا-ساتتىق جاندانادى

ساۋد ارابياسى – قازاق­ستاننىڭ پارسى شىعاناعىن­داعى سەنىمدى سەرىكتەستەرىنىڭ ءبىرى. سو­عان قاراماستان الەمدى جاۋ­لا­عان ىندەتتىڭ سالدارىنان ەكى جاقتىڭ ساۋدا-ەكونوميكالىق بايلانىسى ءبىراز تۇرالاپ قالعانى جاسىرىن ەمەس. الايدا اراب ەلىمەن اراداعى ىنتىماقتاستىقتى ارت­تىرۋعا مۇمكىندىگى مول, بىراق الە­ۋەتى تولىعىمەن اشىلماعان ەكو­نو­ميكانىڭ سەكتورى كوپ. سول سەبەپتى قازاقستان بۇل باعىتتى دامىتۋعا نيەتتى.

ماسەلەن, ەلىمىز ءتۇرلى سالالاردا وڭدەلگەن تاۋاردىڭ 100 ءتۇرىن جەتكىزۋ بويىنشا ەكسپورت نومەنكلاتۋراسىن 398,5 ملن دوللارعا دەيىن كەڭەيتۋگە دايىن. بۇل تىزىمدە ماشينا جاساۋ, قارا مەتاللۋرگيا, تاماق ونەركاسىبى جانە تاعى باسقا سالالارعا قاتىستى تاۋارلار قامتىلعان.

تاراپتار ەكى ەلدىڭ ىسكەرلىك ورتالارىنىڭ ىنتىماقتاستىعىن تەرەڭدەتۋگە جانە بىرلەسكەن ءىس-شارالاردى ۇيىمداستىرۋعا, ونىڭ ىشىندە ءونىمدى ءبىر ەلدەن ەكىنشىسىنە جەتكىزىپ, ساتۋ ءۇشىن ۋاقىتشا نەمەسە تۇراقتى كورمە پاۆيلوندارىن (showroom) اشۋدى پىسىقتاۋعا كەلىستى. قازاقستان مەن ساك ءوز ەلدەرىندە الەۋەتتى ساتىپ الۋشىلاردى ىزدەستىرۋدە ءبىر-بىرىنە جاردەم كورسەتۋگە ۋاعدالاستى.

سونىمەن بىرگە قازاقستان اۋىل شارۋاشىلىعى, مۇناي حيمياسى, تۋريزم, تاۋ-كەن مەتاللۋرگيا كەشەنى جانە قارجى سياقتى سالالاردا بىرلەسكەن ينۆەستيتسيالىق جوبالاردى ىسكە اسىرۋعا بايلانىستى ساۋديالىق كومپانيالاردى تارتۋعا مۇددەلى.

اتاپ ايتقاندا, باقىت سۇل­تانوۆ ساۋديالىق ارىپتەسىنە ەلى­مىزدە تاۋار وتكىزۋ جۇيەسىن قۇرۋ جونىندەگى جوبانىڭ ىسكە قوسىل­عانى تۋرالى ايتتى.

ەكى جاق اۋىل شارۋاشىلىعى ونىمدەرىنىڭ ساۋداسىن جۇزەگە اسى­­رۋ كەزىندە كارانتيندىك فيتو­ساني­ت­ارلىق تالاپتارعا بايلانىس­تى تاجىريبەمەن الماسۋعا, سول سە­كىل­دى وسىمدىكتەر كارانتينى با­عى­تىن­دا ىنتىماقتاسۋعا ۋاع­دالاستى.

ىنتىماقتاستىقتىڭ جاڭا باعىتى رەتىندە «جاسىل ەكونوميكا» قاراستىرىلۋى مۇمكىن. ەر-رياد بىرلەسكەن جوبالاردى ىسكە اسىرىپ, تەحنولوگيالارمەن الماسۋعا بايلانىستى جانە مامان دايارلاۋ ىسىندە زور پەرس­پەكتيۆالار بار ەكەنىن جوققا شىعارمادى. تاراپتار كۇن, سۋتەگى ەنەرگەتيكاسى جانە بەيبىت اتوم­دى قوسا العاندا, بالاما جانە جاڭعىرمالى ەنەرگەتيكا سالا­سىنداعى سەرىكتەستىك جولدارىن پىسىقتاۋعا كەلىستى.