بيرجاداعى بەرەكە

بيرجانىڭ ماقساتى – جەر­گىلىكتى قامتۋ ۇلەسىن ۇلعاي­تۋعا, وتاندىق بيزنەستى دامىتۋعا جانە ولاردىڭ ىشكى نارىقتاعى الەۋەتىن اشۋعا جاردەمدەسەتىن تاۋارلاردى, جۇمىستار مەن قىزمەتتەردى ءوندىرۋ جانە جەت­كىزۋ ماسەلەلەرى بويىنشا كو­وپەراتسيالىق بايلانىستار­دى جولعا قويۋ ءۇشىن تاپسىرىس بەرۋ­شىلەر مەن ءونىم ۇسىنۋ­شى­لار اراسىندا ءتيىمدى كەزدەسۋلەر ۇيىمداستىرۋ.

يندۋستريا جانە ينفرا­قۇرى­لىمدىق دامۋ مينيستر­لى­گى يندۋستريالىق دامۋ كومي­تەتى توراعاسىنىڭ ورىنبا­سارى ولجاس ساپاربەكوۆتىڭ اي­تۋىن­شا, وسى جىلدىڭ ءبىرىنشى جار­تىجىلدىعىندا ۆەدومستۆو 25 ۇزاق مەرزىمدى شارت پەن كاسىپكەرلىكتى ىنتالاندىرۋ تۋرالى 40 كەلىسىم جاساۋعا كومەكتەسكەن.

– جۇرگىزىلىپ جاتقان جۇمىس­تار قازىردىڭ وزىندە وڭ ناتيجە بەرىپ جاتىر. ماسەلەن, ءبىرىنشى جارتىجىلدىقتا رەتتەلەتىن ساتىپ الۋ نارىعى سۋبەكتىلەرى مەملەكەتتىك ساتىپ الۋدىڭ 54,8 پايىزىن يەلەنىپ, 8,9 ترلن تەڭگەگە تاۋارلار, جۇمىستار مەن قىزمەتتەردى ساتىپ ال­دى. بۇل 2020 جىلدىڭ سايكەس كەزەڭىنەن 4,8 پايىزعا جوعارى, – دەدى و.ساپاربەكوۆ.

QazIndustry قازاقستان­دىق يندۋستريا جانە ەكسپورت ورتالىعى» اق باسقارما توراعا­سىنىڭ ورىنباسارى ايدار كاكىمجانوۆتىڭ ايتۋىن­شا, QazIndustry كەلىسىم­شارت­تار جاساسۋعا جانە جەرگى­لىكتى قامتۋدى دامىتۋعا جاردەم­دەسەتىن ءىس-شارالاردى تۇراقتى نەگىزدە وتكىزىپ كەلەدى.

– QazIndustry باستاما­لارى­نىڭ اراسىندا وتاندىق ون­دىرۋ­شىلەر ءۇشىن ۇلكەن ما­ڭىز­عا يە جەتكىزۋشىلەردى دامىتۋ قىزمەتىن اتاپ وتكەن ءجون. بۇل – دۇنيەجۇزىلىك بانكپەن بىر­لەسكەن جوبا. اتالعان جوبا ايا­سىندا 43 جەتكىزۋشى اككرە­ديت­تەلگەن. ولاردىڭ 123 ملن تەڭ­گەسى وتەلدى. ءونىمدى جەت­كىزۋگە قاتىستى 9 مەموران­دۋم جاسال­دى. جاسالعان كەلىسىم­شارت­تار سوماسى – 3,9 ملرد تەڭگە. جوبا اياقتالۋعا جا­قىن. ءبىز ونى ودان ءارى كەڭەي­تۋدى جوسپارلاپ وتىرمىز, – دەدى ا.كاكىمجانوۆ.

بيىلعى سۋبكونتراكت بير­جا­­سىنىڭ قورىتىندىسى بويىن­شا بىرقاتار ءىرى كومپا­نيا­­لارمەن وتاندىق تاۋار ون­دىرۋ­­شىلەر اراسىندا جەرگى­لىك­تى قامتۋدى دامىتۋ بويىنشا ىن­تىماقتاستىق تۋرالى مەمو­راندۋمدارعا قول قويىلدى.

ەسكە سالا كەتەيىك, سۋبكونتراكت بيرجاسىن وتكىزگەن ءتورت جىل ىشىندە اتالعان الاڭ الەۋەتتى تاپسىرىس بەرۋشىلەر مەن جەتكىزۋشىلەردىڭ ءوزارا ءىس-قيمىلىنىڭ ءتيىمدى قۇرالىنا اينالدى.