بۇل تۋرالى قازاقستاندا COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram-كانالىندا ايتىلدى, دەپ حابارلايدى Egemen.kz.
ەۋروپادا COVID-19-دىڭ تارالۋى بولگاريا بيلىگىنىڭ جاڭا سانكتسيالار ەنگىزۋ تۋرالى شەشىمىنە اسەر ەتتى. بىردەن ەلدىڭ بىرنەشە ايماعىندا كوروناۆيرۋس پاندەمياسىنا بايلانىستى جاڭا شەكتەۋلەر كۇشىنە ەندى. ۆيدين جانە پەرنيك قالالارىندا سپورت زالدارى مەن ويىن-ساۋىق ورىندارى جابىق, ۋنيۆەرسيتەتتەر مەن كوللەدجدەردەگى ساباقتار قىسقارتىلعان فورماتتا وتەدى.
سليۆەن مەن قالا ماڭىندا مۋزىكا مەكتەپتەرى, بالالار مەن جاسوسپىرىمدەر شىعارماشىلىق ورتالىقتارى, تەاترلار, كينوتەاترلار جانە بىرنەشە ءىرى سۋپەرماركەتتەر جۇمىس ىستەمەيدى. مەيرامحانالار مەن كافەلەر ساعات 22.00-گە دەيىن قىزمەت كورسەتەدى. قازىرگى ۋاقىتتا بولگاريادا COVID-19-بەن اۋىراتىن ازاماتتاردىڭ سانى 521 مىڭنان استى, 21 656 ناۋقاس قايتىس بولدى.
جاپونيا پرەمەر-ءمينيسترى فۋميو كيسيدا پارلامەنتتەگى پلەنارلىق وتىرىستا ازاماتتاردى COVID-19-عا قارسى ەگۋدىڭ ءۇشىنشى مەرزىمى وزگەرگەنىن ايتتى. بۇعان دەيىن ۆاكتسينانىڭ ءۇشىنشى دوزاسىن كەلەسى جىلدىڭ باسىندا ەگە باستاۋ جوسپارلانعان بولاتىن. بىراق ۆيرۋستىڭ تارالۋى يممۋنداۋدى جەلتوقسانعا اۋىستىردى.
ء«بىز ءۇشىنشى دوزامەن ۆاكتسيناتسيانى جەلتوقساننان باستاپ ەرتەرەك باستاۋعا دايىندالىپ جاتىرمىز», دەدى كيسيدا.
ءبىرىنشى كەزەكتە, ەگدە جاستاعى ازاماتتار مەن جۇقتىرۋ قاۋپى جوعارى توپتاعى ادامدار ەگىلەتىن بولادى.