جىلدىڭ توعىز ايىندا تاۋ-كەن ءوندىرۋ ونەركاسىبىنەن تىس كاپيتالعا ينۆەستيتسيالاردىڭ ءوسۋ قارقىنى 15,1% بولدى. ۇكىمەت وتىرىسىندا توعىز ايداعى ەكونوميكانىڭ ءوسىمى تۋرالى ەسەپ بەرگەن قر ۇلتتىق ەكونوميكا ءمينيسترى اسەت ەرعاليەۆ وسىنداي دەرەكتەر كەلتىردى, دەپ حابارلايدى Egemen.kz.
«ەكونوميكالىق ءوسۋدىڭ ماڭىزدى فاكتورى ىشكى جانە سىرتقى ينۆەستيتسيالاردى تارتۋ بولىپ وتىر. ونىڭ ىشىندە قوماقتى ينۆەستيتسيالاردى ءوندىرۋشى ەمەس سالالارعا تارتۋ بايقالۋدا. جىلدىڭ توعىز ايىندا تاۋ-كەن ءوندىرۋ ونەركاسىبىن ەسەپكە الماعاندا نەگىزگى كاپيتالعا ينۆەستيتسيالاردىڭ ءوسۋ قارقىنى 15,1% قۇرادى.
ينۆەستيتسيا قۇرىلىس سالاسىندا – 1,3 ەسە, وڭدەۋ ونەركاسىبىندە – 80,6%, ساۋدادا – 37,8%, اۋىل شارۋاشىلىعىندا – 36,7%, اقپارات جانە بايلانىستا – 14,3%, جىلجىمايتىن م ۇلىكپەن وپەراتسيالار سالاسىندا –18,9% جانە قارجى سالاسىندا – 15,6% ءوستى», دەدى اسەت ەرعاليەۆ.
ونىڭ مالىمەتى بويىنشا, وڭىرلەر اراسىندا ەڭ جوعارعى كورسەتكىش شىمكەنت, الماتى قالالارىندا جانە اقتوبە, سولتۇستىك قازاقستان وبلىستارىندا بايقالىپ وتىر.
«بيىلعى قاڭتار-تامىزدا سىرتقى ساۋدا تاۋار اينالىمى 62,8 ملرد اقش دوللارىن, ونىڭ ىشىندە ەكسپورت بويىنشا كورسەتكىش 37,5 ملرد اقش دوللارىن قۇرادى. بۇل رەتتە, وڭدەلگەن تاۋارلار ەكسپورتى 23,2% ارتىپ, 12,1 ملرد اقش دوللارىنا دەيىن جەتتى», دەدى مينيستر.