جاپونيادا ماگنيتۋداسى 5,9 بولاتىن جەر سىلكىنىسىنەن زارداپ شەككەندەردىڭ سانى 43-كە جەتتى, دەپ حابارلايدى Egemen.kz.
5,9 بالدىق جەر سىلكىنىسى 7 قازانعا قاراعان ءتۇنى جاپونيا استاناسى توكيودان سولتۇستىك-شىعىس ايماقتا تىركەلدى.
جاپون مەتەورولوگيالىق اگەنتتىگىنىڭ (JMA) مالىمەتىنشە, جەر سىلكىنىسىنىڭ وشاعى چيبا پرەفەكتۋراسىندا بولعان.
جەر استى دۇمپۋلەرى جەرگىلىكتى ۋاقىت بويىنشا 22.41-دە 80 كم تەرەڭدىكتە تىركەلدى. JMA ءبىر اپتانىڭ ىشىندە بولاتىن وسىنداي جەر سىلكىنىستەرى تۋرالى ەسكەرتتى.