شىمكەنت قالاسىندا قر تاۋەلسىزدىگىنىڭ 30 جىلدىعىنا وراي جاس اقىندار اراسىندا العاش رەت رەسپۋبليكالىق «كۇمىس دومبىرا» ايتىسى ءوتتى, دەپ جازادى Egemen.kz.
ايتىسقا 14-29 جاس ارالىعىندا 30 ايتىسكەر اقىن قاتىسۋعا نيەت ءبىلدىرىپ, ىرىكتەۋ ناتيجەسى بويىنشا 16 اقىن باق سىنادى. قاتىسۋشىلارعا بەلگىلى ايتىسكەر اقىندار مەن ەلىمىزگە تانىمال قوعام بەلسەندىلەرى باعا بەرىپ, قازىلىق ەتتى.
شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان, شىمكەنت قالاسى ءماسليحاتىنىڭ حاتشىسى باحادىر نارىمبەتوۆ جەڭىمپازداردى قۇتتىقتاپ, باعالى سىيلىقتارمەن ماراپاتتادى.
ايتىس ناتيجەسى بويىنشا اقمولا وبلىسىنىڭ وكىلى نۇرماحان جاقىپبەك باس جۇلدە – «كۇمىس دومبىرا» يەگەرى اتاندى. 16 اقىننىڭ ىشىنەن وزا شاپقان جەڭىمپاز كۇمىستەن جاسالعان دومبىرا جانە باعالى سىيلىققا يە بولدى.
ايشولپان تولەۋتاي (شىعىس قازاقستان وبلىسى) 1-ورىنعا يە بولسا, بەكسۇلتان ورىنباساروۆ (قىزىلوردا وبلىسى) 2-ورىن, مەيىرجان جاقىپ (تۇركىستان وبلىسى) پەن نۇرعالي ءاناپيا (شىمكەنت قالاسى) 3-ورىندى جەڭىپ الدى.
سونىمەن قاتار, «مايلىقوجا سۇلتانقوجا ۇلى» اتىنداعى ارنايى جۇلدە بەكجان بازاربەككە (الماتى قالاسى), «اسەلحان قالىبەكوۆا» اتىنداعى ارنايى جۇلدە ايىم اسىلبەكقىزىنا (نۇر-سۇلتان قالاسى) بۇيىردى.
بارلىق جەڭىمپازدارعا ارنايى باعالى سىيلىق تابىس ەتىلدى.
«شارانىڭ ماقساتى – تاۋەلسىزدىكتىڭ 30 جىلدىعىندا جەتكەن جەتىستىكتەردى ناسيحاتتاۋ, جاس اقىنداردىڭ ىشكى مۇمكىندىگىن اشىپ, شابىتىنا قانات ءبىتىرۋ. ايتىسكەرلەر اراسىنان جاڭا ەسىمدەر تاۋىپ, دارىندى جاستاردى قولداۋ», دەپ حابارلادى شىمكەنت قالاسى اكىمدىگىنىڭ ءباسپاسوز قىزمەتى.