Aitu قولدانباسىن ازىرلەۋشىلەر ادامنىڭ Ashyq-تاعى كوۆيد-ستاتۋسىن ءبىر رەت باسقاندا كورسەتەتىن جاڭا فۋنكتسيا ازىرلەدى, دەپ حابارلايدى Egemen.kz.
ستاتۋسىڭىزدى ءبىر رەت تەكسەرگەننەن كەيىن, ستاتۋس كورسەتىلگەن ەكراندى سمارتفوننىڭ جۇمىس ۇستەلىنە شىعارىپ, مەكەمەلەرگە كىرۋىڭىزدى جەڭىلدەتسەڭىز بولادى.
ول ءۇشىن Android نەگىزدى سمارتفون پايدالانۋشىلارىنىڭ الدىمەن Google Play-دەن Aitu-دى جۇكتەپ الىپ, اۆتورلانۋى قاجەت. ودان ءارى «قولدانبالار» بولىمىندەگى Ashyq قولدانباسىنا كىرىپ, ونىڭ جوعارعى جاعىنداعى قولدانبا اتاۋىن, سودان سوڭ «باستى ەكرانعا قوسۋ» تۇيمەشىگىن باسۋ كەرەك – Ashyq قولدانباسىنىڭ بەلگىشەسى جۇمىس ۇستەلىنە شىعادى.
iOS نەگىزىندەگى سمارتفون پايدالانۋشىلارى دا ءدال سولاي Aitu-دا اۆتورلانىپ, «قولدانبالار» بولىمىنەن Ashyq-قا كىرۋلەرى ءتيىس. ودان سوڭ قولدانبانىڭ جوعارعى جاعىنداعى قولدانبا اتاۋىن باسىپ, QR سكانەرىن جابادى دا, ء«بولىسۋ» جانە «كوشىرۋ» تۇيمەشىگىن باسادى – بۇل ارەكەت ارقىلى سىلتەمە قولدانبانىڭ وزىنە كوشىرىلەدى. سودان كەيىن سىلتەمەنى براۋزەرگە قويىپ, ء«بولىسۋدى» باسقان سوڭ, ء«ۇي ەكرانىنا» تۇيمەشىگىن تاڭداۋ كەرەك. Android-پايدالانۋشىلارمەن سالىستىرعاندا, iOS-پايدالانۋشىلار سمارتفوننىڭ جۇمىس ۇستەلىندە پايدا بولاتىن قولدانباعا ات قويا الادى.
«باسقا ازىرلەۋشىلەردىڭ كوپشىلىگىندە QR-دى سكانەرلەۋ مۇمكىندىگىن پايدالانار الدىندا اۆتورلانۋ قاجەتتىگى تۋىندايدى. ءبىز بولساق, قاشاندا كليەنت تاجىريبەسىن جاقسارتۋعا تىرىسىپ, سول باعىتقا بارىنشا كۇش سالامىز. Aitu-دا, كەز كەلگەن باسقا مەسسەندجەردەگىدەي, قولدانبانى قايتا پايدالانۋ كەزىندە مەرزىمى شەكتەۋسىز اۆتوماتتى اۆتورلانۋ ساقتالادى. ياعني, ادام تەلەفوندى بۇعاتتان شىعارا سالىسىمەن, قايتا اۆتورلانۋعا ۋاقىت جۇمساماي, قولدانبانى بىردەن پايدالانا الادى. بۇل Ashyq سەرۆيسىن پايدالانۋ كەزىندە ۋاقىت ۇنەمدەپ, مەكەمەلەرگە كىرۋدىڭ جايلىراق بولۋىن قامتاماسىز ەتەدى», دەپ ءتۇسىندىردى BTS Digital كومپانياسىنىڭ ءونىم مەنەدجەرى نۇرسۇلتان احمەتوۆ.
ايتا كەتەيىك, BTS Digital كومپانياسى ءوزىنىڭ Aitu پلاتفورماسىن Ashyq سەرۆيسىنە قولجەتىمدىلىكتىڭ قوسىمشا الاڭى رەتىندە العاشقىلاردىڭ ءبىرى بولىپ ۇسىندى جانە پايدالانۋشىلارعا ىڭعايلىراق بولۋى ءۇشىن سەرۆيستى پلاتفورماسىنا كىرىكتىردى. سونداي-اق, كومپانيا ازىرلەۋشىلەرى مەكەمەلەردى Ashyq جوباسىنا تەك قانا سمارتفون كومەگىمەن قوسۋ پروتسەسىن ءبىرىنشى بولىپ اۆتوماتتاندىرىپ, ءراسىمدى ايتارلىقتاي جەڭىلدەتە ءتۇستى. اتاپ ايتقاندا, Digital ID قاشىقتان سايكەستەندىرۋ سەرۆيسىنىڭ كومەگىمەن سايكەستەندىرۋدى قامتاماسىز ەتە وتىرىپ, QR-كود الۋ ءۇشىن ەتسق-نىڭ بولۋ مىندەتتىلىگىن جويدى. Aitu ارقىلى QR-كودتى بىردەن جانە «كۇزەتشىلەر» ءتىزىمىن وڭدەي وتىرا الۋ مۇمكىندىگى پايدا بولدى.
ازىرلەۋشىلەردىڭ ايتۋىنشا, ولار ءالى دە بولسا Ashyq سەرۆيسىن پايدالانۋدى وپەراتسيالار تۇرعىسىنان بۇدان دا جاتىق ەتە ءتۇسۋدىڭ, پايدالانۋشىعا قولايلىراق ەتۋدىڭ امالدارىن بولجامداپ, قاراستىرۋدا. سونداي گيپوتەزالاردىڭ ءبىر مىسالى – Ashyq-تىڭ ىشىندە كورىنۋى ءۇشىن ۆاكتسينالاۋ پاسپورتىن قوسۋ نەمەسە Ashyq جوباسىنا قاتىسۋشى مەكەمەلەردىڭ جۇمىس ۋاقىتىنىڭ كارتاسىن جاساۋ.