3 قازان – تۇركى ىنتىماقتاستىعى كۇنىنە وراي حالىقارالىق تۇركى اكادەمياسى مەن قازاقستان سىرتقى ىستەر مينيسترلىگىنىڭ ۇيىمداستىرۋىمەن شاعىن فۋتبولدان «تۇركى كۋبوگى» ءتۋرنيرى ءوتتى. دوپ دوداسى بىرقاتار تۇركى مەملەكەتتەرى تاۋەلسىزدىكتەرىنىڭ 30 جىلدىعىمەن تۇسپا-تۇس كەلىپ وتىر.
نۇر-سۇلتان قالاسىنداعى «استانا-ارەنا» ستاديونىندا وتكەن جارىسقا ازەربايجان, قىرعىزستان, ماجارستان, تۇركيا, تۇرىكمەنستان, وزبەكستان ەلشىلىكتەرىنىڭ, حالىقارالىق ۇيىمداردىڭ, اتاپ ايتقاندا حالىقارالىق تۇركى اكادەمياسى, ازىق-ت ۇلىك قاۋىپسىزدىك يسلام ۇيىمى (IOFS), ازياداعى ءوزارا ءىس-قيمىل جانە سەنىم شارالارى كەڭەسى (سICA) جانە سىرتقى ىستەر مينيسترلىگىنىڭ قۇراما كوماندالارى قاتىستى.
ءتۋرنيردىڭ اشىلۋىندا ءسوز سويلەگەن قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ جارىسقا قاتىسۋشىلارعا ساتتىلىك تىلەدى. ال تۇركى اكادەمياسىنىڭ باسشىسى د. قىدىرالى بيىل باۋىرلاس ەلدەردىڭ تاۋەلسىزدىگىمەن بىرگە تۇركى ينتەگراتسياسىنا دا 30 جىل تولىپ وتىرعانىن اتاپ ءوتتى.
تۋرنير قورىتىندىسى بويىنشا ءبىرىنشى ورىندى ماجارستاننىڭ قازاقستانداعى ەلشىلىگى يەلەندى. ەكىنشى ورىن ەلىمىزدىڭ سىرتقى ىستەر مينيسترلىگىنىڭ كومانداسىنا بۇيىردى. ۇزدىك ۇشتىكتى حالىقارالىق تۇركى اكادەمياسىنىڭ كومانداسى تۇيىندەدى.
ايتا كەتۋ كەرەك, تۇركى كەڭەسى قازاقستان رەسپۋبليكاسىنىڭ تۇڭعىش پرەزيدەنتى – ەلباسى, تۇركى كەڭەسىنىڭ قۇرمەتتى توراعاسى نۇرسۇلتان نازارباەۆتىڭ باستاماسىمەن 2009 جىلى 3 قازاندا قۇرىلعان بولاتىن. بۇل تاريحي كۇن «تۇركىتىلدەس ەلدەردىڭ ىنتىماقتاستىق كۇنى» رەتىندە اتالىپ وتەدى. حالىقارالىق ۇيىمنىڭ شتاب-پاتەرى ىستانبۇل قالاسىندا ورنالاسقان. ۇيىمعا قازاقستان, ازەربايجان, قىرعىزستان, تۇركيا, وزبەكستان ەلدەرى مۇشە. ال ماجارستان باقىلاۋشى مارتەبەسىنە يە.