پرەزيدەنت اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ شاعىن تالدىكول توڭىرەگىندەگى جانجالعا قاتىستى پىكىر ءبىلدىردى, دەپ حابارلايدى Egemen.kz.
«ارينە, قوعام ەكو-قورعاۋشىلاردى قولدايدى. ادامدار جاعدايدى ەكىجاقتى كورەدى: ءبىر جاعىنان ەنتۋزياستەر, تابيعات ساقشىلارى, ال ەكىنشى جاعىنان – قاتال بيۋروكراتيالىق الاياقتىق. ءبىر قاراعاندا, ءبارى بىردەي قاراپايىم ەمەس. سۋ قويماسىنىڭ قورعاۋشىلارى بۇل ەرەكشە كول جانە قۇستاردىڭ مەكەندەيتىن جەرى دەپ مالىمدەيدى, بىراق فاكتىلەر ەسكەرۋسىز قالمايدى. كىشى تالدىكول تابيعي جولمەن جوعالىپ كەتۋى مۇمكىن», دەدى اباەۆ «اشىق ديالوگ» ەفيرىندە.
ونىڭ ايتۋىنشا, 2013 جىلى كىشى تالدىكولدىڭ تەرەڭدىگى ءبىر مەتردى قۇراسا, بۇگىندە ول 30 سم-دەن اسپايدى.
«قازىردىڭ وزىندە حلوريدتەردىڭ, سۋلفاتتاردىڭ, اممياكتىڭ اسىپ كەتۋى تىركەلدى. بۇل رەتتە اكىمدىك سۋ قويماسىن تولتىرۋعا نيەتتى ەمەس. ونى تازارتۋ, ءتۇبىن تەرەڭدەتۋ جوسپارلانعان جانە ولار جاعالاۋ ايماعىن جاسايدى. جاۋاپ رەتىندە ءبىز ءبىر دالەلدى ەستيمىز, اكىمدىك الدايدى جانە تۇپكىلىكتى شەشىم قابىلدانعاننان كەيىن ەشقانداي تازارتۋ جۇرگىزىلمەيدى. كۇتە تۇرىڭىز, بەدەل مەن سەنىم دەگەن ۇعىم بار. قالا بيلىگى قوعام الدىندا, ەل باسشىلىعى الدىندا, كوپشىلىك الدىندا ۋادە بەرەدى. ونى بۇزۋ قىمباتقا تۇسەدى», دەدى داۋرەن اباەۆ.