تەمىر جول بويىنداعى جازاتايىم وقيعا ازايماي تۇر

«قايعىلى جاعدايلاردىڭ نەگىزگى سەبەبى – زارداپ شەككەندەردىڭ جەكە قاۋىپسىزدىك ەرەجەلەرىن ساقتاماۋى جانە ۇقىپسىزدىعى. ازاماتتار تەمىر جولداردىڭ رۇقسات ەتىلمەگەن جەرلەرىنەن وتۋگە تىرىسادى. لوكوموتيۆ بريگادالارىنىڭ شەبەرلىگى مەن  كاسىبيلىگىنىڭ ارقاسىندا 90% جاعدايدا ادامداردى قاعىپ كەتۋگە جول بەرىلمەيدى», دەپ جازادى «قازاقستان تەمىر جولى».

«ساعاتىنا 60-80 شاقىرىم جىلدامدىقپەن جۇرەتىن 6 مىڭ توننالىق پويىزدى بىردەن توقتاتۋ مۇمكىن ەمەس. سالماعى 200 توننادان اساتىن لوكوموتيۆكە 600-800 مەترلىك تەجەۋ جولى قاجەت بولادى», دەپ ء تۇسىندىردى «قتج» ۇك» اق ماگيسترالدىق جەلى ديرەكتسياسى ديرەكتورىنىڭ ورىنباسارى باقىتبەك الداجاروۆ.

ءباسپاسوز مالىمتەىنشە, زارداپ شەككەن ءاربىر بەسىنشى ادام ماس كۇيدە بولعان.

بيىل تەمىر جول بويىندا تىركەلگەن بارلىق جاعدايدىڭ 14%-ى سۋيتسيدتىك سيپاتقا يە.

«تەمىر جول ينفراقۇرىلىمى نىساندارىنا جاقىنداعاندا ادامدار قۇلاققاپتارىن الىپ تاستاۋدى ۇمىتىپ كەتەدى, سوندىقتان دا جاقىنداپ قالعان پويىز دىبىسىن  جانە لوكوموتيۆ بريگاداسىنىڭ سوققان دابىلىن ەستىمەيدى.  زارداپ شەككەندەردىڭ شامامەن 3% قۇلاققاپپەن مۋزىكا تىڭداعان», دەلىنگەن حابارلامادا.

جاسوسپىرىمدەر الەۋمەتتىك جەلىلەرگە ارنالعان سەلفي مەن ءتۇرلى بەينەلەردى ءتۇسىرۋ كەزىندە تەمىر جولدا جاراقات الادى. كەيدە ولار ومىرىنە قاۋىپ تونسە دە, ەڭ قاۋىپتى جەرلەردى تاڭدايدى.

تەمىر جولداعى تاعى ءبىر قاۋىپ – 27 مىڭ ۆولتتى جوعارى ەلەكتر كەرنەۋىنە ءتۇسۋ. ويىن-ساۋىق ىزدەپ بالالار ۆاگونداردىڭ توبەسىنە كوتەرىلسە, ولىمگە اكەلەتىن جاراقات الۋى مۇمكىن.

«تەمىر جولداعى جازاتايىم وقيعالار قوعامعا ۇلكەن زيان كەلتىرەدى. بىرىنشىدەن, بۇل ادام شىعىندارىنىڭ ورنى تولماس سيپاتى. ەلىمىزدىڭ بارلىق وڭىرىندە تۇرعىندار اراسىندا, كوبىنەسە ءبىلىم بەرۋ مەكەمەلەرىندە ءتۇسىندىرۋ جۇمىستارىن تۇراقتى نەگىزدە جۇرگىزەمىز. تەمىر جولداعى ءجۇرىس-تۇرىس ەرەجەلەرى بويىنشا جادىنامالار شىعارىلادى. ولار تەمىر جول سەرۋەندەۋ, بالالارعا ارنالعان كوڭىل كوتەرۋ, سەلفي ءتۇسىرۋ ءۇشىن ارنالماعانىن ەسكەرتەدى. جازاتايىم وقيعانىڭ قۇربانى بولماۋ ءۇشىن ءار ادام تەمىر جول كولىگىندەگى قاۋىپسىزدىك ەرەجەلەرىن ءبىلۋى جانە ساقتاۋى ءتيىس», دەدى باقىتبەك الداجاروۆ.

تەمىر جولدى تەك بەلگىلەنگەن جەرلەر مەن جابدىقتالعان ورىنداردان عانا, وندا دا جاقىنداپ كەلە جاتقان پويىزدىڭ جوقتىعىنا نەمەسە وتكەلدەگى بەلگى بەرۋ قۇرالىنىڭ رۇقسات بەرەتىن بەلگىسىنە كوز جەتكىزىپ بارىپ وتۋگە بولادى.

«ازاماتتار تەمىر جولداعى ءتارتىپ ەرەجەلەرىن مۇلتىكسىز ساقتاپ قانا قويماي, وزگەلەرگە, ەڭ الدىمەن بالالارعا ەسكەرتۋ جاساۋى ءتيىس», دەپ ەسكەرتەدى قتج.

تەمىرجولشىلار ماگيسترالدىق جولدار ارقىلى جەرۇستى جاياۋ جۇرگىنشىلەر وتكەلدەرىن سالۋ جاراقاتتانۋدى ازايتۋعا مۇمكىندىك بەرەدى دەپ ەسەپتەيدى. بۇل ماسەلە جەرگىلىكتى اتقارۋشى ورگانداردىڭ قۇزىرەتىندە.