ەنەرگەتيكا مينيسترلىگىنىڭ اقپاراتى بويىنشا رەسۋرس يەلەنۋشىلەرمەن پاۆلودار وبلىسىنا قوسىمشا 2 مىڭ توننا كولەمىندە گاز وتىنىن جەتكىزۋ تۋرالى كەلىسىم بار, بۇل كورسەتىلگەن قاجەتتىلىكتى جابادى. بۇل تۋرالى اشم ءباسپاسوز قىزمەتى حابارلادى, دەپ جازادى Egemen.kz.
بۇعان دەيىن بۇقارالىق اقپارات قۇرالدارىندا استىق كەپتىرۋ قوندىرعىلارىنىڭ جۇمىسى ءۇشىن قاجەتتى سۇيىتىلعان تابيعي گازدىڭ بولماۋى سەبەبىنەن قازاقستانداعى استىق داقىلىنىڭ «كۇيىپ كەتۋىنە» اكەپ سوقتىرۋى مۇمكىن دەگەن اقپارات جاريالانعان.
«گاز وتىنىمەن جۇمىس ىستەيتىن جابدىقتى نەگىزىنەن پاۆلودار وبلىسىنىڭ اۋىل شارۋاشىلىعى تاۋار وندىرۋشىلەرى پايدالانادى. وبلىستا جيناۋ ناۋقانى ءۇشىن گاز بويىنشا جالپى قاجەتتىلىك 720 توننانى قۇرايدى. ەنەرگەتيكا مينيسترلىگىنىڭ اقپاراتى بويىنشا رەسۋرس يەلەنۋشىلەرمەن پاۆلودار وبلىسىنا قوسىمشا 2 مىڭ توننا كولەمىندە گاز وتىنىن جەتكىزۋ تۋرالى كەلىسىم بار, بۇل كورسەتىلگەن قاجەتتىلىكتى جابادى», دەلىنگەن حابارلامادا.
قازىرگى ۋاقىتتا اۋىل شارۋاشىلىعى جانە ەنەرگەتيكا مينيسترلىكتەرىنە شىعىس قازاقستان (7,0 مىڭ توننا), پاۆلودار (2,0 مىڭ توننا) وبلىستارىنىڭ اكىمدىكتەرىنەن ءداندى داقىلداردى كەپتىرۋگە ديزەل وتىنىنىڭ قوسىمشا كولەمىنە وتىنىمدەر كەلىپ ءتۇستى. كورسەتىلگەن كولەمدەردى ءبولۋ ماسەلەسى قاراستىرىلۋدا.