كونگو دەموكراتيالىق رەسپۋبليكاسىندا ادامداردى سيقىرشى كورىپ, ءولىم جازاسىنا كەسۋ دەرەگى كوبەيدى, دەپ جازادى Egemen.kz.
The Guardian جازۋىنشا, قۇقىق قورعاۋشىلار قىركۇيەكتە وڭتۇستىك كيۆۋ پروۆينتسياسىنىڭ ءۇش اۋدانىندا سەگىز ايەل تىرىدەي ورتەلگەن. بۇل پروۆينتسيانى ۇزاق جىلدار قارۋلى توپتار باسقاردى. ادۆوكاتتار بۇل جاعدايعا شارا قولدانعىسى كەلمەيتىن ەل باسشىلىعىن كىنالادى.
قۇقىق قورعاۋشىلار «مىستانداردى» انىقتاۋ ءۇشىن تۇرعىندار «سيقىرشىلاردى» قولداناتىنىن اتاپ ءوتتى.
مۇعالىم جانە قۇقىق قورعاۋشى شاشا رۋبەنگا 2000-عا جۋىق تۇرعىنى بار چيفۋنزي اۋىلىندا «مىستانداردى» اۋلاۋ وقيعاسىنا كۋا بولدى. ولاردىڭ قولىندا جاسى 65-تەن اسقان 19 ايەلدىڭ اتى جازىلعان ءتىزىم بولعان. ايەلدەردىڭ كوپشىلىگى ۇيىنەن قاشىپ ۇلگەرگەن. كەيبىرەۋىن ۇكىمەت اسكەرى قۇتقارىپ قالدى. رۋبەنگا ءبىر ايەلدى قالاي ورتەپ جىبەرگەنىنە دە كۋا بولعان. الايدا قىلمىستكەرلەردى تابۋ وڭاي ەمەس, ويتكەنى قوعامداستىق باسشىلارى اتى-ءجونىن اتامايدى.