ءبىرىنشى قازاندا پاۆلودار مۇناي-حيميا زاۋىتىندا جوسپارلى جوندەۋ جۇمىستارى باستالادى. سول كەزەڭدە زاۋىت جۇمىسىن توقتاتادى, دەپ حابارلايدى Egemen.kz كاسىپورىننىڭ ءباسپاسوز قىزمەتىنە سىلتەمە جاساپ.
جوندەۋ جۇمىستارى بارلىق تەحنولوگيالىق قۇرىلعىلاردا جۇرگىزىلەتىن بولادى. جوندەۋ قازاننىڭ سوڭىنا دەيىن اياقتالىپ, زاۋىت تولىققاندى جۇمىس ىستەۋگە كوشەدى دەپ جوسپارلانعان.
«زاۋىت جۇمىسى توقتاعان ۋاقىتتا وزگە قازاقستاندىق مۇناي وڭدەۋ كاسىپورىندارى (اتىراۋ جانە شىمكەنتتەگى زاۋىت) كۇشەيتىلگەن رەجيمدە جۇمىس ىستەيتىن بولادى», دەلىنگەن حابارلامادا.
ەستەرىڭىزگە سالا كەتەيىك, ەلدەگى مۇناي وڭدەۋ زاۋىتتارىندا جوسپارلى جوندەۋ جۇمىستارى جىلدا كەستەگە ساي جۇرگىزىلەدى. كۇردەلى جوندەۋ ءۇش جىلدا ءبىر رەت جۇزەگە اسىرىلادى. 2018 جىلدان بەرى مۇناي وڭدەۋ زاۋىتتارىندا كۇردەلى جوندەۋ جۇمىستارى جۇرگىزىلگەن جوق.
بيىل جوندەۋ جۇمىستارىنىڭ ۋاقىتى ەكى رەت شەگەرىلدى. ءبىرىنشى رەت جوسپارلى جوندەۋ جۇمىسى شىلدەدەن قىركۇيەككە, كەيىن قىركۇيەكتەن قازانعا اۋىستىرىلدى.
«جوندەۋ جۇمىستارىن شەگەرۋدىڭ نەگىزگى سەبەبى ىشكى نارىقتاعى جانار-جاعار ماي تۇراقتىلىعىن قامتاماسىز ەتۋ جانە ەگىن ورۋ ناۋقانى كەزىندەگى سۇرانىستى وتەۋ», دەيدى كاسىپورىنداعىلار.
پاۆلودار مۇناي-حيميا زاۋىتى مۇناي ونىمدەرىنىڭ بىرنەشە ءتۇرىن وندىرەدى. ولاردىڭ قاتارىندا ءتۇرلى ماركالى اۆتوكولىك بەنزينى, ديزەلدىك وتىن, رەاكتيۆتى وتىن, تەحنيكالىق كۇكىرت, بيتۋمنىڭ بىرنەشە ءتۇرى, مۇناي كوكسى, تەحنيكالىق كومىرتەك وندىرۋگە ارنالعان شيكىزات بار.