ەلىمىزدە جانارماي باعاسى قىمباتتايدى

«كورشىلەس مەملەكەتتەرمەن ديزەل وتىنىنا باعانىڭ ديسپاريتەتى ءىس جۇزىندە جانارمايدىڭ «اعىلۋىنا» اكەپ سوقتى, ءترانزيتتى جۇك فۋرالارى قازاقستان اۋماعىندا ءبىر قۇيعاندا 1000 جانە ودان كوپ ليتر قۇيادى. سونداي-اق قازان ايىندا پاۆلودار مۇنايحيميا زاۋىتى (پمحز) جوسپارلى جوندەۋ جۇمىستارىنا بايلانىستى قىزمەتىن توقتاتادى», دەلىنگەن حابارلامادا.

ۇيىمنىڭ حابارلاۋىنشا, جوعارىدا اتالعان فاكتورلار ديزەل وتىنىنىڭ جەتىسپەگەن كولەمىن رەسەيدەن يمپورتتاۋ قاجەتتىلىگىن تۋىنداتادى. سالدارىنان باعانىڭ كوتەرىلۋىنە اكەپ سوعادى, ويتكەنى ساتىپ الۋ باعاسى مەن شىعىنداردى دا ەسكەرۋ قاجەت.

QazaqOil ديزەلدىڭ تۇسىمىنە قاراي باعانىڭ وزگەرۋى كەزەڭ-كەزەڭىمەن جۇرەتىنىن حابارلادى. ءبىرىنشى كەزەكتەگى مىندەت بارلىق تۇتىنۋشىلار ءۇشىن قاجەتتى كولەمدى قامتاماسىز ەتۋ بولىپ سانالادى.

قازىرگى ۋاقىتتا اتالمىش كومپانيانىڭ ديزەل وتىنىنىڭ ءبىر ءليترى الماتىدا 205 تەڭگەدەن ساتىلادى. بۇعان قوسا قازاقستاندا ديزەلدىڭ ورتاشا قۇنى 2021 جىلدىڭ تامىز ايىنداعى كورسەتكىش بويىنشا 198,93 تەڭگەنى قۇرايدى. LS-ءتىڭ حابارلاۋىنشا, بۇل شىلدە ايىمەن سالىستىرعاندا 1,3 پايىزعا, ال وتكەن جىلدىڭ سايكەس كەزەڭىمەن سالىستىرعاندا 8 پايىزعا كوپ.