قىزىلوردا وبلىسىنىڭ اۋماعىندا رەسەيدەن وزبەكستانعا بەتتەگەن جۇك كولىگى ورتەنىپ كەتتى, دەپ حابارلايدى Egemen.kz.
جۇك كولىك سامارا-شىمكەنت تاس جولىنىڭ ارال اۋدانى اۋماعىنداعى 1338 شاقىرىمىندا ورتەندى. رەسەيدەن وزبەكستانعا بارا جاتقان «Volvo» جۇك كولىگىندەگى 21 توننا ماقتا تولىقتاي جانىپ كەتتى.
«بۇل جونىندە حابار كەلگەننەن كەيىن ەڭ جاقىن ءورت ءسوندىرۋ ءبولىمىنىڭ ماماندارى جۇمىلدىرىلدى. قاشىقتىق 34 شاقىرىمدى قۇرايدى. وقيعا ورنىنا 2 تەحنيكامەن 7 قىزمەتكەر جەدەل جەتتى. ءورت جىلدام وقشاۋلاندى. وقيعا بارىسىندا جاراقات العان ادام جوق. قازىرگى تاڭدا ءورتتىڭ شىعۋ سەبەبى مەن شىعىنى انىقتالۋدا», دەدى قىزىلوردا وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ ءباسپاسوز حاتشىسى ءاليا ەرەجەپوۆا.