ءازىربايجان بۇۇ حالىقارالىق سوتىنا جۇگىنىپ, ەرەۆاننىڭ ناسىلدىك كەمسىتۋدىڭ بارلىق تۇرلەرىن جويۋ تۋرالى حالىقارالىق كونۆەنتسيانى جۇيەلى تۇردە بۇزعانى ءۇشىن ارمەنيانىڭ ۇستىنەن ارىزداندى, دەپ حابارلايدى Egemen.kz تاسس-قا سىلتەمە جاساپ.
ءتيىستى اقپارات سوتتىڭ سايتىندا جاريالانعان.
ءازىربايجان رەسپۋبليكاسى بۇگىن بىرىككەن ۇلتتار ۇيىمىنىڭ نەگىزگى زاڭدى ورگانى - حالىقارالىق سوتىنا ارمەنيا رەسپۋبليكاسىنا قاتىستى ناسىلدىك كەمسىتۋشىلىكتىڭ بارلىق تۇرلەرىن جويۋ تۋرالى حالىقارالىق كونۆەنتسيانىڭ بۇزۋ فاكتىلەرى بويىنشا ارىزدانىپ, ءىس قوزعاۋعا تۇرتكى بولدى, دەلىنگەن سوت سايتىندا جاريالانعان حابارلامادا.
ءازىربايجاننىڭ شاعىمى بويىنشا, «ارمەنيا ازىربايجاندىقتارعا ۇلتتىق جانە ەتنيكالىق شىعۋ تەگىنە بايلانىستى بىرنەشە كەمسىتۋشىلىك ارەكەتتەر جاسادى ءارى ونى جاساپ تا كەلە جاتىر».
سونداي-اق ارىزدا حالىقارالىق سوتتىڭ بۇل شاعىم بويىنشا قانداي دا ءبىر شەشىمى شىققانعا دەيىن ارمەنياعا قارسى ۋاقىتشا شارالار قولدانۋ تۋرالى دا تالاپ بار.
قىركۇيەك ايىنىڭ ورتاسىندا ارمەنيا بۇۇ حالىقارالىق سوتىندا ازىربايجانعا قارسى تۋرا وسىنداي تالاپ-ارىزبەن جۇگىنگەن. وعان بايلانىستى سوت تالقىلاۋى باستالىپ كەتكەن.