تالانتىمەن ءتانتى ەتتى...

قازاقستاندىق جۇلدىزدىڭ بالەتتىك ماۋسىمى تامىز ايىن­دا يتاليادا باستالىپ, وندا ول «روبەرتو بوللە جانە ونىڭ دوس­تارى» اتتى گالا-كونتسەرتكە قا­تىسسا, تاياۋدا ريم وپەراسى تەات­رىندا العاش ساحنالانعان بەل­گىلى حورەوگراف رولان پەتيدىڭ «پا­ريج قۇداي اناسىنىڭ سوبورى» بالەتىندە كۆازيمودو پارتياسىن ۇسىندى. ەندى دارىندى ونەرپاز رەسەي, يامايكا جانە اۋستراليا ەلدەرىندە ونەر كورسەتەدى.

تانىمال ءبيشىنىڭ تالان­تى­نا ءدان ريزا بولعان La Voce di New York ينتەرنەت-گازە­تىنىڭ امەريكالىق ءتىلشىسى ماريا-تەرەزا انتونيوتس­تسي ءوز ما­قا­لا­سىندا ول تۋرالى: ­ «كەش شى­مىل­دىعى ريككاردو دري­گونىڭ مۋزىكاسىنا ما­ريۋس پەتي­پانىڭ حورەوگرا­فيا­­سىنداعى «كور­سارمەن» اشىلدى, ساحنادا – تاڭ­عا­جايىپ باقتيار ادامجان, ول ءوزىنىڭ جىلدام قيمىلدارى­مەن, شەبەر تەحني­كاسىمەن كو­رەر- ءدى باۋراپ الدى...», دەپ جازىپتى.

ورەلى ونەر يەسى بيىلعى 2 جانە 3 تامىز كۇندەرى جوعارىدا ايتىپ وتكەن «روبەرتو بوللە جانە ونىڭ دوستارى» اتتى ەكى گالا-كون­­تسەرتتە, الەمنىڭ قوس جۇلدىزى – ۆەنا وپەراسىنىڭ پريما-بالە­ريناسى ليۋدميلا كونوۆالوۆا جانە نيدەرلاند ۇلتتىق بالە­تىنىڭ پريما-بالەريناسى مايا ماحاتەليمەن بىرگە ساحناعا شى­عىپ, تىڭدارماندارىن جىلى اسەرگە بولەدى. سونداي-اق ونىڭ «پاريج قۇداي اناسىنىڭ سوبورى» قويىلىمىنداعى كۆازيمودو پارتياسى دا كورەرمەندەردىڭ كو­ڭىلىنەن شىقتى.

− الداعى قازاندا اندريس ليە­پانىڭ شاقىرۋىمەن رەسەيدەگى كرەمل سارايىنىڭ ساحناسىندا ونەر كورسەتەمىن. ال قاڭتاردا The Ballet International Gala جوبا­سىنا قاتىسۋعا اۋسترالياعا بارا­مىن. بۇل اۋقىمدى شاراعا سول ەلدىڭ مەملەكەت باسشىسى كوڭىل ءبو­­لىپ وتىر, سول ءۇشىن الەمدىك تەاتر­لارعا ارناپ ۇزدىك الاڭ جا­ساق­تالعان. وسىندا بىرگە ونەر كور­سەتۋگە ترۋپپامىزدىڭ بالەت ءسو­ليسى شۇعىلا ادەپحانعا ۇسى­نىس جاسادىم. قولىمنان كەل­گەن­شە وتاندىق بالەتتىڭ جو­عارعى دەڭگەي­دە ەكەندىگىن تانىتۋ – ماقسا­تىم, − دەيدى باقتيار ادامجان.