اۆياكومپانيالار جولاۋشىلاردى اۋە تاسىمالى شەكتەۋلى ادامداردىڭ تىزىمىنە تەك سوت شەشىمى بويىنشا كىرگىزە الادى. بۇل تۋرالى ماجىلىستە كولىك ماسەلەلەرى بويىنشا تۇزەتۋلەردىڭ تانىستىرىلىمىندا يندۋستريا جانە ينفراقۇرىلىمدىق دامۋ ءمينيسترىنىڭ ءبىرىنشى ورىنباسارى بەرىك كاماليەۆ مالىمدەدى, دەپ حابارلايدى Egemen.kz.
«قارا» تىزىمگە كەلەتىن بولساق, اۆياكومپانيالار ونى وزدەرى جاسايدى. نەگىزىنەن, 99% جاعدايدا «ەير استانا» اۋەكومپانياسى ءوز ءتىزىمىن جاسايدى. ەندى ءبىز وسى تىزىمگە ادامداردى تەك سوت شەشىمىمەن عانا قوسۋدى ۇسىنامىز. ولار اۋەجايعا كەلگەننەن كەيىن اكىمشىلىك حاتتاما جاساپ, سوت شەشىمىنە دەيىن ۋاقىتشا «قارا» تىزىمگە ەنگىزە الادى», دەدى كاماليەۆ.
وسىلايشا, ۇسىنىلعان زاڭ جوباسىنا سايكەس, ازاماتتار مۇنداي تىزىمگە تەك ۇشاق بورتىنداعى قۇقىق بۇزۋشىلىقتار ءۇشىن جانە ولاردى قىلمىستىق نەمەسە اكىمشىلىك جاۋاپكەرشىلىككە تارتۋ ناتيجەسىندە كىناسى دالەلدەنگەن جاعدايدا عانا تىركەلەدى.
سونداي-اق, زاڭ جوباسىمەن ء«ادىل مادەنيەت» ينستيتۋتى ەنگىزىلۋدە, ونىڭ نەگىزگى قاعيداتى - ازاماتتىق اۆياتسيا سالاسىنداعى قاساقانا بۇزۋشىلىقتارعا نەمەسە دۇرىس ەمەس مىنەز-ق ۇلىققا قاتىستى توزبەۋشىلىك.