جامبىل وبلىسى اكىمىنىڭ وكىمىمەن جامبىل وبلىسى تۇرار رىسقۇلوۆ اۋدانىنىڭ اكىمى بولىپ جارىلقاسىن ابدىعاپار ۇلى ايتاقوۆ تاعايىندالدى. بۇل تۋرالى جامبىل وبلىسى اكىمدىگىنىڭ رەسمي ينتەرنەت-رەسۋرسى حابارلادى.
ج.ءا.ايتاقوۆ 1962 جىلى تۋعان. 1985 جىلى جامبىل گيدرومەليوراتيۆتىك قۇرىلىس ينستيتۋتىن, 2004 جىلى م.ح.دۋلاتي اتىنداعى تاراز مەملەكەتتىك ۋنيۆەرسيتەتىن بىتىرگەن. ەڭبەك جولىن 1985 جىلى رەسەي فەدەراتسياسىنىڭ كالۋگا وبلىسىنداعى كوندروۆ جىلجىمالى مەحانيكالاندىرىلعان كولونناسىنىڭ ۋچاسكەلىك مەحانيگى بولىپ باستاعان. 1985-1990 جىلدارى جۋالى اۋدانى №15 بۋرنىي سەلولىق كاسىپتىك ۋچيليششەسىندە وقىتۋشى, ديرەكتوردىڭ ورىنباسارى, 1990-2008 جىلدارى جۋالى اۋداندىق كومسومول كوميتەتىنىڭ ءبىرىنشى حاتشىسى, جۋالى اۋدانى اكىمىنىڭ اپپاراتىندا ۇيىمداستىرۋ جۇمىسى ءبولىمىنىڭ مەڭگەرۋشىسى, اپپارات باسشىسى, 2008-2010 جىلدارى جۋالى اۋدانى اكىمىنىڭ ورىنباسارى, 2010-2011 جىلدارى جامبىل وبلىسى اكىمى اپپاراتىنىڭ قارجى-شارۋاشىلىق ءبولىمىنىڭ مەڭگەرۋشىسى قىزمەتتەرىن اتقارعان. 2012 جىلدىڭ قاڭتارىنان جۋالى اۋداندىق ءماسليحاتىنىڭ حاتشىسى قىزمەتىن اتقاردى.
ءامىرحان الماعانبەتوۆ.
دەرەككوز: جامبىل وبلىسى اكىمدىگىنىڭ رەسمي ينتەرنەت-رەسۋرسى.
فوتو: جامبىل وبلىسى اكىمدىگىنىڭ رەسمي ينتەرنەت-رەسۋرسى.