قازاقستاندا كولىك قىمباتتاپ بارادى, دەپ حابارلايدى Egemen.kz.
بۇل تۋرالى «حابار24» تەلەارناسى مالىمدەدى.
تامىز ايىندا ەلدەگى اۆتوسالونداردان 8734 جاڭا كولىك ساتىلدى. شىلدەمەن سالىستىرعاندا 15 پروتسەنتتەي از.
ساراپشىلاردىڭ ايتۋىنشا, ساۋدانىڭ باسەڭدەۋىنە كولىك تاپشىلىعى اسەر ەتتى. ويتكەنى قۇراستىرۋ مەن تاسىمالداۋدا كەدەرگى كوپ.
ەڭ باستىسى, اۆتوكولىك ەلەكترونيكاسىنا قاجەتتى ميكروسحەما جەتپەي جاتىر. وسىعان بايلانىستى كونتسەرندەر ءوندىرىستى ازايتتى. ءتىپتى كەيبىرى بولىمشەلەرىن ۋاقىتشا جاپقان. وتاندىق ديلەرلەر قازىر تاپسىرىستى الدىن الا قابىلداعانىمەن جەتكىزۋ ۋاقىتىن كەيىنگە شەگەرىپ جاتىر. اسىرەسە سوڭعى ءبىر-ەكى ايدا تاسىمال ماسەلەسى قيىنداپ كەتتى. قىتاي كارانتين تالاپتارىن كۇشەيتىپ, قازاقستانعا جاپونيا مەن كورەيادان كەلەتىن كولىكتەر ۋاقىتىنان كەشىككەن. بۇعان دەيىن جاڭا كولىكتى 6 اي كۇتسە قازىر 8 ايعا دەيىن سوزىلادى.
نارىقتا تەمىر تۇلپارلاردىڭ تاپشىلىعى تۋىنداعان سوڭ باعاسى قىمباتتاپ بارادى. ويتكەنى ساتىپ الۋشى كوپ. جالپى بيىل سەگىز ايدا وتانداستارىمىز 76 مىڭ جاڭا ماشينا ساتىپ الدى. بىلتىرمەن سالىستىرعاندا 40 پروتسەنتكە كوپ.