اتىراۋ وبلىسىندا بيىلعى شومىلۋ ماۋسىمىندا 28 ادام سۋعا باتىپ كەتكەن. بۇل تۋرالى وڭىرلىك توتەنشە جاعدايلار دەپارتامەنتى ازاماتتىق قورعانىس باسقارماسىنىڭ باسشىسى باقىت ابلانوۆ ايتتى, دەپ جازادى Egemen.kz.
«وڭىردەگى سۋ ايدىندارىندا قاۋپى باسىم 70 ۋچاسكە بار. بالىق اۋلاۋشىلار مەن جاعالاۋدا دەمالۋشىلار اراسىندا سۋعا كەتۋ دەرەگى ازايماي وتىر. ويتكەنى, تۇرعىندار ارنايى جابدىقتالماعان ورىنداردا شومىلادى», دەيدى باقىت ابلانوۆ.
سپيكەردىڭ ايتۋىنشا, ماحامبەت اۋدانىندا – 19, اتىراۋ قالاسىنىڭ اۋماعىندا – 17, قىزىلقوعادا – 15, يندەردە – 10, جىلىويدا – 7, قۇرمانعازى اۋدانىندا 2 قاۋىپتى ۋچاسكە ورنالاسقان.
«بيىلعى شومىلۋ ماۋسىمىندا قاۋىپتى ۋچاسكەلەردە 28 ادام سۋعا باتىپ كەتتى. ونىڭ ىشىندە 10 بالا بار», دەدى باسقارما باسشىسى.