قارجى مونيتورينگى اگەنتتىگىنىڭ نۇر-سۇلتان قالاسى بويىنشا اۋماقتىق دەپارتامەنتى «انتارەس» قارجى پيراميداسىنىڭ قىزمەتىنە تىيىم سالدى, دەپ حابارلايدى Egemen.kz.
قارجى مونيتورينگى اگەنتتىگىنىڭ مالىمەتىنشە, قارجى پيراميدالارىن ۇيىمداستىرۋشىلار الاياقتىق سحەمالاردى ءارتۇرلى جولدارمەن قۇراستىرادى. بۇل زەرگەرلىك بۇيىمداردى, تۋريستىك بيلەتتەردى, باعالى قاعازداردى ساتىپ الۋ, ساتۋ قىزمەتتەرى, سونداي-اق كريپتوۆاليۋتالار مەن بيتكويندەردى ساتۋدىڭ جاڭا تاسىلدەرى بولۋى مۇمكىن.
«انتارەس» قارجى پيراميداسىن ۇيىمداستىرۋشىلار جەكە تۇلعالاردىڭ اقشاسىن كاسىپكەرلىك قىزمەتكە تارتقان. بىراق ءىس جۇزىندە ولار قاراجاتتى قايتا ءبولۋ جانە كەيبىر قاتىسۋشىلاردى باسقا سالىمشىلاردىڭ جارنالارى ەسەبىنەن بايىتۋ ارقىلى تابىس تاۋىپ كەلگەن.
«الاياقتاردىڭ ءبىر عانا ماقساتى بار - سەنىمدى ازاماتتاردى ەلەۋلى قارجىلىق شىعىندارعا الىپ كەلەتىن «ۇستەمە» جوباعا تارتۋ. اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلۋدە. اۋماقتىق دەپارتامەنت بارلىق زارداپ شەككەن ادامداردى جانە كەلتىرىلگەن زالال سوماسىن انىقتاۋعا باعىتتالعان شارالاردى قابىلدايدى», دەپ حابارلادى ۆەدومستۆو.