قاراعاندىدا سوت قر قك 217-بابى «قارجىلىق (ينۆەستيتسيالىق) پيراميدانى قۇرۋ جانە وعان باسشىلىق ەتۋ» بويىنشا قىلمىستىق جاۋاپكەرشىلىككە تارتىلعان 34 جاستاعى ەر ادامعا قاتىستى ۇكىم شىعاردى. قىسقا ۋاقىت ىشىندە الاياق 67 ادامدى الداپ, 50 ملن تەڭگەدەن استام قاراجات جينادى, دەپ حابارلايدى Egemen.kz.
2019 جىلى الاياق ءموبيلدى قوسىمشالاردىڭ بىرىندە توپتىق چات قۇرىپ, ونىڭ كومەگىمەن قولدانىستاعى ينۆەستيتسيالىق باعدارلاما تۋرالى جالعان اقپارات تاراتا باستادى. زيانكەس سالىنعان سوماعا بايلانىستى ەكى ەسە مولشەردە پايدا الۋ ماقساتىندا اقشا قاراجاتىن بەلگىلى ءبىر بيرجاعا ينۆەستيتسيالاۋ قاجەت دەپ سەندىردى.
ەكى جىل بويى قاراعاندى وبلىسى پوليتسيا دەپارتامەنتى تەرگەۋ باسقارماسىنىڭ تەرگەۋشىلەرى كۇدىكتى كىناسىنىڭ بۇلتارتپاس دالەلدەرىن جيناقتادى.
ء«وزىنىڭ تۋىستارى مەن تانىستارىنىڭ بانك كارتوچكالارىن پايدالانا وتىرىپ, ەر ادام قولما-قول اقشاسىز اقشا اۋدارۋ ارقىلى ازاماتتاردان سالىمداردى قابىلداي باستاعان. 2019 جىلعى 27 قازاندا اتالعان فاكتى بويىنشا سدتبت-عا قر قك 217-بابى بويىنشا قىلمىستىق ءىس تىركەلدى. تەرگەۋ بارىسىندا 67 جابىرلەنۋشى انىقتالدى. ولارعا 51 ملن 435 مىڭ تەڭگە كولەمىندە جالپى شىعىن كەلتىرىلگەن. سوت ۇكىم شىعاردى, وعان سايكەس قارجى پيراميداسىن قۇرۋشى بەس جىلعا باس بوستاندىعىنان ايىرىلدى», دەپ حابارلادى قاراعاندى وبلىسى پد باستىعى ەرلان فايزۋللين.