ەلىمىزدىڭ ورتا ءبىلىم بەرۋ ورىندارىندا ەۆاكۋاتسيا جولىن (سىرتقا شىعۋ ەسىگى) جابۋعا قاتاڭ تىيىم سالىندى. بۇل تۋرالى قر تجم ورتكە قارسى قىزمەت كوميتەتى باسقارماسىنىڭ باسشىسى ەرلان تورەگەلديەۆ مالىمدەدى, دەپ حابارلايدى Egemen.kz.
ء«ورت قاۋىپسىزدىگى تالاپتارىنا سايكەس بارلىق ەۆاكۋاتسيالاۋ جولدارى ەركىن جانە عيماراتتان شىعۋ باعىتى بويىنشا اشىق تۇرۋى ءتيىس. اسىرەسە ءبىلىم بەرۋ مەكەمەسى كولەمىنە قاراماستان قاۋىپتىڭ جوعارى دارەجەلى تۇرىنە جاتادى, سوندىقتان دا ولارعا جىل سايىن بىرنەشە رەت تەكسەرۋ وتكىزەمىز. بيىل دا وقۋ جىلى باستالعانعا دەيىن ەلىمىزدەگى بارلىق ءبىلىم بەرۋ نىساندارى تەكسەرىلدى. قاۋىپسىزدىك ەرەجەسى ساقتالماعان ءبىلىم مەكەمەلەرىنە ەسكەرتۋ جاسالىپ, نۇسقاما بەرىلدى», دەدى ە. تورەگەلديەۆ وكق-دە وتكەن ءباسپاسوز ءماسليحاتىندا.
سونداي-اق تجم وكىلى عيماراتتاعى قاۋىپسىزدىك ەرەجەسى ساقتالماعان جاعدايدا جاۋاپكەرشىلىكتىڭ بارىن ەسكە سالدى.
«تاعى قايتالايمىز ەشقانداي جاعدايدا ەۆاكۋاتسيالاۋعا ارنالعان ەسىكتەردى جابۋعا بولمايدى. ويتكەنى مەكتەپتە بالا كوپ, سوندىقتان ەۆاكۋاتسيا جولى تولىقتاي جۇمىس ىستەپ تۇرۋى ءتيىس. ەسىكتى جابۋعا نەمەسە ۋاقىتشا بۇعاتتاۋعا قاتاڭ تىيىم سالىنادى», دەيدى ول.