اتىراۋ وبلىسىندا فەرمەردى اتىپ ولتىرگەن كۇدىكتى قاماۋعا الىندى, دەپ حابارلايدى Egemen.kz.
وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا سۇيەنسەك, قايعىلى وقيعا يساتاي اۋدانىندا ورىن العان.
«زينەدەن اۋىلىنىڭ ەكى تۇرعىنى اراسىندا ءوزارا كەلىسپەۋشىلىك بولعان. اشۋعا بوي الدىرعان 42 جاستاعى تۇرعىن اڭشىلىق قارۋدان اۋىلداسىنا وق اتىپ, سالدارىنان 48 جاستاعى فەرمەر وقيعا ورنىندا كوز جۇمعان», دەپ حابارلادى دەپارتامەنتتىڭ ءباسپاسوز قىزمەتى.
قازىر اۋىلداسىن اتىپ ولتىرگەن تۇرعىن ۋاقىتشا ۇستاۋ يزولياتورىنا قاماۋعا الىندى. وعان قاتىستى قر قىلمىستىق كودەكسىنىڭ 99-بابىمەن سوتقا دەيىنگى تەرگەۋ باستالدى.