قازاق «ەلگە ەل قوسىلسا – قۇت» دەيدى. تاعدىردىڭ جازۋىمەن الەمنىڭ ءار بۇرىشىنا تارىداي شاشىراپ كەتكەن الىستاعى اعايىننىڭ تاريحي وتانىنا ورالعانىنان ارتىق قۋانىش بار ما؟
مۇنايلى وڭىرگە بيىلعى جەتى ايدا جات جەردە ۇرپاق ءوربىتىپ, اتا ءداستۇرىن بەرىك ۇستانعان 123 وتباسى ورالدى. وسىلايشا, اتا-باباسىنىڭ تامىرى جايىلعان اتاجۇرتىنىڭ ءبىر ۋىس توپىراعىن اڭساپ جەتكەن 182 قانداستىڭ كوڭىلى ءبىر دەمدەلدى.
– قازاقستان رەسپۋبليكاسىنا تۇراقتى تۇرۋ ماقساتىمەن كەلگەن ەتنوستىق قازاقتار قانداس مارتەبەسىن الدى. ونىڭ ىشىندە وزبەكستان رەسپۋبليكاسىنان 114 وتباسى (171 ادام), قىتاي حالىق رەسپۋبليكاسىنان 7 وتباسى (9 ادام) جانە رەسەي فەدەراتسياسىنان 2 وتباسى (2 ادام) بار. اتىراۋ قالاسىنا 100 وتباسى (147 ادام), جىلىوي اۋدانىنا 20 وتباسى (32 ادام), ال ماقات اۋدانىنا 3 وتباسى (3 ادام) قونىستانۋدى ۇيعاردى, – دەپ حابارلادى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ ماماندارى.
اتىراۋ وبلىسى