اۋا رايىنا بايلانىستى ەسكەرتۋ جاريالاندى

«كۇندىز 15 قىركۇيەكتە قوستاناي وبلىسىنىڭ سولتۇستىك-باتىسىندا نايزاعاي, وڭتۇستىك-باتىستان 15-20 م/س جەل كۇتىلەدى.

اقمولا وبلىسىنىڭ باتىسىندا نايزاعاي كۇتىلەدى. وڭتۇستىك-باتىستان جەل سوعادى, وبلىستىڭ سولتۇستىك-باتىسىندا جەل ەكپىنى 15-20 م/س.

باتىس قازاقستان وبلىسىندا جەل وڭتۇستىك-باتىستان, باتىستان سوعادى, كۇندىز ەكپىنى 15-20 م/س.

شىعىس قازاقستان وبلىسىنىڭ سولتۇستىك-شىعىسىندا تۇندە 3 گرادۋسقا دەيىن سۋىتادى. بەسقاراعاي اۋدانىندا توتەنشە ءورت قاۋپى كۇتىلەدى.

كۇندىز سولتۇستىك قازاقستان وبلىسىنىڭ وڭتۇستىگىندە وڭتۇستىك-باتىستان 15-20 م/س جەل سوعادى.

تۇندە قاراعاندى وبلىسىنىڭ سولتۇستىك-شىعىسىندا 2 گرادۋس ۇسىك ساقتالادى. وبلىستىڭ باتىسىندا توتەنشە ءورت قاۋپى بار», دەلىنگەن «قازگيدرومەت» رمك ءباسپاسوز حابارلاماسىندا.