الەمدە ەپيداحۋال تۇراقسىز – تسوي

ءمينيستردىڭ ايتۋىنشا, الەمدە COVID-19-بەن اۋرۋ جانە ءولىم-ءجىتىم بويىنشا جاعداي تۇراقسىز. جالپى الەمدە كۆي-مەن اۋىرۋدىڭ 224 ملن-نان استام جاعدايى تىركەلگەن, تاۋلىگىنە 300 مىڭنان استام جاعداي تىركەلگەن. 4,6 ملن-نان استام ادام قايتىس بولدى.

ددسۇ ەۋروپا ايماعىنىڭ دەرەكتەرى بويىنشا سوڭعى ەكى اپتادا 26 ەلدە سىرقاتتانۋشىلىقتىڭ ءوسۋى بايقالادى.

«سوڭعى 7 كۇندە اۋرۋدىڭ ەڭ كوپ ءوسۋى ۆەنگريادا بايقالدى, وندا ءبىر اپتا ىشىندە اۋىرۋ 100%-دان استام ءوستى, ۋكراينادا, پولشا مەن مولدوۆادا 60%-دان 80%-عا دەيىن, اۆستريادا, گەرمانيادا جانە بەلارۋستە 30%-دان 50%-عا دەيىن, چەرنوگوريادا, ارمەنيادا جانە يزرايلدە 8%-دان 20%-عا دەيىن», دەدى ا. تسوي.

ونىڭ ايتۋىنشا, اۋىرۋدىڭ ءوسۋى يسپانيادا 60%-عا, فرانتسيادا 40%-عا, گرۋزيادا 39%-عا, ازەربايجاندا 16%-عا, يتاليادا 13%-عا, شۆەيتساريادا 12%-عا جانە رەسەيدە 9%-عا تومەندەدى. قازاقستاندا سوڭعى ەكى اپتادا اۋرۋشاڭدىقتىڭ ءوسۋى 35%-عا تومەندەدى.