قازاقستاندىق تەننيسشى الەكساندر نەدوۆەسوۆ جۇپتىق سىندا كيەۆ چەللەندجەر ءتۋرنيرىنىڭ جەڭىمپازى اتاندى, دەپ جازادى Egemen.kz قتف ءباسپاسوز قىزمەتىنە سىلتەمە جاساپ.
قازاقستاندىق تەننيسشى فينالدا برازيليالىق ورلاندو لۋجبەن بىرگە ۋكراينالىق دەنيس مولچانوۆ - سەرگەي ستاحوۆسكي جۇبىمەن كۇش سىناستى.
قازاقستاندىق-برازيليالىق جۇپ 6:4, 6:4 ەسەبىمەن جەڭىسكە جەتتى.
ولار ءبىر ساعاتتان استام ۋاقىتقا سوزىلعان ماتچتا 3 ەيس جاساپ, 11 برەيك-پوينتتىڭ ۇشەۋىن پايدالانا ءبىلدى.
قارسىلاستارى 1 ەيس, 1 برەيكپەن (9 برەيك-پوينت) شەكتەلدى.
وسىلايشا ا.نەدوۆەسوۆ جۇپتىق سىندا ءوز سپورتتىق جولىنداعى 22-ءشى, بيىلعى ماۋسىمداعى جەتىنشى تيتۋلىنا قول جەتكىزدى.