بۇگىن اۋا رايى قانداي بولادى؟

قازگيدرومەتتىڭ حابارلاۋىنشا, انتيتسيكلوننىڭ اسەرىنەن كۇن جاۋىن-شاشىنسىز بولادى. اتموسفەرالىق فرونتالدى بولىكتەردىڭ اسەرىنەن قر شىعىسىندا, سولتۇستىك-باتىسىندا, وڭتۇستىك-باتىسىندا, سونداي-اق وڭتۇستىك-شىعىستىڭ تاۋلى اۋداندارىندا جاڭبىر جاۋادى, نايزاعاي وينايدى. تۇندە جانە تاڭەرتەڭ سولتۇستىك-باتىس جانە ورتالىق ايماقتاردا تۇمان تۇسەدى. سولتۇستىكتە, كۇندىز ەلىمىزدىڭ وڭتۇستىگىندەگى تاۋلى ايماقتاردا جەل 15-20 م/س جىلدامدىقپەن سوعادى.

كۇندىز قوستاناي وبلىسىنىڭ سولتۇستىك-باتىسىندا, سولتۇستىگىندە نايزاعاي, تۇندە جانە تاڭەرتەڭ وبلىستىڭ شىعىسىندا تۇمان تۇسەدى.

اقمولا وبلىسىنىڭ سولتۇستىگىندە, سولتۇستىك-باتىسىندا, سولتۇستىك قازاقستان وبلىسىنىڭ سولتۇستىك-شىعىسىندا, كۇندىز تۇركىستان وبلىسىنىڭ تاۋلى اۋداندارىندا جەل 15-20 م/س جىلدامدىقپەن سوعادى.

تۇندە جانە تاڭەرتەڭ قاراعاندى وبلىسىنىڭ سولتۇستىگىندە جانە ورتالىعىندا تۇمان تۇسەدى.

تۇندە اقمولا وبلىسىنىڭ وڭتۇستىك جارتىسىندا, اقتوبە وبلىسىنىڭ سولتۇستىگىندە, قوستاناي وبلىسىنىڭ وڭتۇستىك-شىعىسىندا, سولتۇستىك قازاقستان وبلىسىنىڭ وڭتۇستىك-باتىسىندا, شىعىس قازاقستان وبلىسىنىڭ سولتۇستىك-شىعىسىندا 2 گرادۋس ۇسىك جۇرەدى.

قاراعاندى وبلىسىنىڭ سولتۇستىك-شىعىسىندا 3 گرادۋس ۇسىك ساقتالادى. الماتى, جامبىل, تۇركىستان, قىزىلوردا, ماڭعىستاۋ, اتىراۋ, اقتوبە وبلىستارىنىڭ باسىم بولىگىندە, قوستاناي, قاراعاندى وبلىستارىنىڭ وڭتۇستىك-باتىسىندا, باتىسىندا, باتىس قازاقستان وبلىسىنىڭ سولتۇستىك-شىعىسىندا جانە وڭتۇستىگىندە, شىعىس قازاقستان وبلىسىنىڭ وڭتۇستىك-باتىسىندا توتەنشە ءورت قاۋپى ساقتالادى.