«ۇلتتىق اقپاراتتىق تەحنولوگيالار» اق جۇيەلەر ينتەگراتسياسىن جۇرگىزدى. سونىڭ ناتيجەسىندە الفا بانك پلاتفورماسى ارقىلى جەكە كاسىپكەرلىكتى ونلاين تىركەۋ مۇمكىندىگى پايدا بولدى. اتقارىلعان جۇمىستار شاعىن بيزنەستى تىركەۋ پروتسەسىن جەڭىلدەتۋگە باعىتتالعان.
ء«بىز ازاماتتاردىڭ مەملەكەتتىك كورسەتىلەتىن قىزمەتتەردى الۋ مۇمكىندىكتەرىن كەڭەيتىپ, پروتسەستەردى وڭايلاتا وتىرىپ, ولاردى بارىنشا ىڭعايلى ەتۋگە تىرىسامىز. ەندى جەكە كاسىپكەرلىكتى تىركەۋدىڭ بالامالى تاسىلىنە قولجەتىمدىلىك بار. بۇل ءىستى جاڭا باستاعان بيزنەسمەندەرگە وڭاي تىركەلۋ ءتاسىلىن تاڭداۋ دا وتە ماڭىزدى», دەپ ءتۇسىندىردى «ۇلتتىق اقپاراتتىق تەحنولوگيالار» اق باسقار- ما توراعاسى روستيسلاۆ كونياشكين.
سەرۆيس ماۋسىم ايىندا تەستىلىك رەجىمدە ىسكە قوسىلدى جانە كاسىپكەرلەرگە جەكە كاسىپكەرلىگىن تىركەۋ عانا ەمەس, سونىمەن قاتار بانكتە شوتتى تەگىن اشۋعا مۇمكىندىك بەرەدى, ءراسىم نەبارى بەس مينۋتتى الادى, كەلەسى كۇنى شوتتىڭ دەرەكتەمەلەرى ەلەكتروندى پوشتاعا تۇسەدى. بۇگىنگى تاڭدا كورسەتىلەتىن قىزمەتتى ەلىمىزدە 100-دەن استام كاسىپكەر پايدالاندى.
«كەز كەلگەن ءونىمدى نەمەسە كور- سەتىلەتىن قىزمەتتى ىسكە قوسپاس بۇرىن ءبىز بىرقاتار زەرتتەۋلەر جۇرگىزىپ, كليەنتتىڭ ناقتى قاجەتتىلىكتەرىن انىقتايمىز. بۇگىنگى تاڭدا كاسىپكەرلەر بيزنەستەگى فورمالدىلىققا كوپ ۋاقىتىن كەتىرگىسى كەلمەيدى, كەرىسىنشە ساتىلىمدى ارتتىرۋ ءۇشىن كوپ جۇمىس ىستەيدى. الفا وسىنداي مۇمكىندىك ۇسىنادى. قىزمەتتى ىسكە قوسىلعان ەكى اي ىشىندە ءبىز نارىقتا بۇل سەرۆيستىڭ ۇلكەن سۇرانىسقا يە ەكەنىن بايقادىق» دەدى الفا بانكتىڭ «جاپپاي بيزنەس» بلوگىنىڭ باسقارۋشى ديرەكتورى, «اتامەكەن» ۇكپ تورالقاسىنىڭ شوب دامىتۋ جونىندەگى كوميتەتىنىڭ مۇشەسى دامير كاكيەۆ.
جەكە كاسىپكەردى ونلاين تىركەۋ ءۇشىن الفا وفيس پلاتفورماسىندا جوعارىدا ايتقان قىزمەت ءتۇرىن تاڭداپ, تەلەفون ءنومىرىن جانە سمس كودىن ەنگىزۋ كەرەك, جەكە كۋالىكتىڭ سكانەرلەنگەن نۇسقاسىن قوسىپ, ۇسىنىلعان نىساندى تولتىرۋ جانە ەتسق كومەگىمەن سۇراۋ سالۋعا قول قويۋ قاجەت.