اتىراۋدا 89 وقۋشى كوروناۆيرۋس ينفەكتسياسىن جۇقتىردى, حابارلايدى Egemen.kz.
اتىراۋ وبلىسىنىڭ باس مەملەكەتتىك سانيتاريالىق دارىگەرىنىڭ ورىنباسارى گۇلناز ەرباتىروۆانىڭ مالىمەتىنشە, 1-5 قىركۇيەك ارالىعىندا مەكتەپ جاسىنداعى 1 وقۋشىنىڭ كوروناۆيرۋس ينفەكتسياسىنا شالدىققانى راستالعان. «جازعى كانيكۋل كەزىندە مەكتەپ جاسىنداعى 88 بالا قاۋىپتى ۆيرۋسقا شالدىققان. ولاردىڭ ءبارى ۇيىندە اتا-اناسىمەن بايلانىستا بولعان.
ال, 1 قىركۇيەكتەن كەيىن كارانتيندىك وقشاۋلاۋ جاعدايىنداعى اتا-اناسىمەن جاقىن قارىم-قاتىناستا بولعان ءبىر وقۋشىنىڭ كوروناۆيرۋس ينفەكتسياسىن جۇقتىرعانى انىقتالدى. بىراق, بۇل وقۋشى مەكتەپكە بارماعانى, سىنىپتاستارىمەن بايلانىس جاساماعانى بەلگىلى بولدى», دەيدى گۇلناز ەرباتىروۆا.