قازاقستاندىق سپورتشى ءامىر ومارحانوۆ ازەربايجان استاناسى باكۋ قالاسىندا 18 جاسقا دەيىنگىلەر اراسىندا ءوتىپ جاتقان ITF Juniors ءتۋرنيرىنىڭ جارتىلاي فينالىنا شىقتى, دەپ حابارلايدى Egemen.kz.
قازاقستان تەننيس فەدەراتسياسى ءمالىم ەتكەندەي, قاراعاندى تەننيس مەكتەبىنىڭ 13 جاسار تۇلەگى ءامىر ومارحانوۆ شيرەك فينالدا رەسەيلىك ساۆەلي شپيتامەن كەزدەستى. قازاقستاندىق سپورتشى تارتىستى باسەكەدە 6:3, 7:5 ەسەبىمەن جەڭىسكە جەتتى.
جاس سپورتشى بۇگىن تاعى ءبىر رەسەيلىك ۆيكتور كۋزنەتسوۆپەن جارىسقا تۇسەدى. ءامىر قارسىلاسىنان اسىپ تۇسسە, ول ءوز سپورتتىق جولىندا العاش رەت ITF دوداسىنىڭ فينالىنا شىعادى.