قازاقستان كەلەسى جىلعا دەيىن ازىق-ت ۇلىك قاۋىپسىزدىگى جونىندەگى يسلام ۇيىمىنا توراعالىق ەتەدى. بۇل تۋرالى ۇيىمنىڭ 4-ءشى باس اسسامبلەياسىندا اۋىل شارۋاشىلىعى ءمينيسترى ەربول قاراشوكەەۆ مالىمدەدى, دەپ حابارلايدى Egemen.kz.
«قازىرگى كەزەڭدە قازاقستان ازىق-ت ۇلىك قاۋىپسىزدىگى جونىندەگى يسلام ۇيىمىنىڭ توراعاسى بولادى, سوندىقتان مەن ءبىزدىڭ ءوڭىر - ورتالىق ازيانى نازاردان تىس قالدىرا المايمىن. ءار ءتۇرلى تاريحي اسپەكتىلەرگە بايلانىستى, بۇل ايماق يسلام الەمىنىڭ ەكونوميكالىق قىزمەتىنە از قاتىسادى. بۇل رەتتە ايماقتىڭ الەۋەتى وراسان زور. ەگەر ءبىز, مىسالى, قازاقستان رەسپۋبليكاسى تۋرالى ايتاتىن بولساق, وندا ول اۋماعى بويىنشا ەڭ ۇلكەن مۇسىلمان مەملەكەتى, قازاقستاندا 200 ميلليون گەكتاردان استام اۋىل شارۋاشىلىعى جەرلەرى بار, بۇل الەمدىك رەسۋرستاردىڭ 4%-ن قۇرايدى, 180 ميلليون گەكتاردان استام جايىلىمدىق رەسۋرس بار. قازاقستان يىۇ-نىڭ بەلسەندى جانە جاۋاپتى مۇشەسى, ەكولوگيالىق تازا اۋىل شارۋاشىلىعى ونىمدەرىن وندىرۋشىلەر مەن ەكسپورتتاۋشىلاردىڭ ءبىرى بولا وتىرىپ, يىۇ كەڭىستىگىندە ازىق-ت ۇلىك قاۋىپسىزدىگى ماسەلەلەرىن شەشۋگە ءوز ۇلەسىن قوسۋعا دايىن», دەدى اۋىل شارۋاشىلىعى مينيسترلىگىنىڭ باسشىسى.